ସତସଙ୍ଗ କାର୍ଯ୍ୟକ୍ରମରେ ଯୋଗଦେଲେ ପ୍ରଣବ ପ୍ରକାଶ
ସମ୍ବଲପୁର ; ପୁରୂଣା ମ୍ୟୁନିସିପାଲଟି ଛକଠାରେ କର୍ମୀ ସମ୍ମିଳନୀରେ ଯୋଗଦେବା ପରେ ଧନକଉଡା ଠାରେ ଆୟୋଜିତ ସତସଙ୍ଗ କାର୍ଯ୍ୟକ୍ରମରେ ଯୋଗଦେଇଥିଲେ ପ୍ରଣବ ପ୍ରକାଶ ଦାସ । ସତସଙ୍ଗ କାର୍ଯ୍ୟକ୍ରମରେ ପହଞ୍ଚିବା ପରେ ଉପସ୍ଥିତ ଥିବା ଗୁରୁଜନମାନଙ୍କ ଆଶୀର୍ବାଦ ନେଇଥିଲେ । ଉପସ୍ଥିତ ଥିବା ଜନସାଧାରଣଙ୍କ ସହିତ ମତ ବିନିମୟ କରିଥିଲେ ପ୍ରଣବ ପ୍ରକାଶ । ସତସଙ୍ଗ କାର୍ଯ୍ୟକ୍ରମରେ ସାମିଲ କରିଥିବାରୁ ସେ ନିଜକୁ ଭାଗ୍ୟବାନ ବୋଲି କହିଥିଲେ । ଦେହ ଓ ମନକୁ ଶାନ୍ତ ରଖିବାରେ ସତସଙ୍ଗ ବିଶେଷ ଭାବରେ ସହାୟକ ହୁଏ । ନିର୍ବାଚନ ସମୟରେ ସତସଙ୍ଗ ମିଳିବା ଅତି ଦୁର୍ଲଭ । ଏହା ମୋର ସୌଭାଗ୍ୟ ଯେ ମୁଁ ସତସଙ୍ଗରେ ପହଞ୍ଚି କୃପାଲାଭ କରିପାରିଲି ବୋଲି କହିଥିଲେ । ନିର୍ବାଚନର ବ୍ୟସ୍ତବହୁଳ ସମୟ ମଧ୍ୟରେ ସତସଙ୍ଗ ରୁ ଗୁରୁଜନମାନଙ୍କ ଆଶୀର୍ବାଦ ଲଭିବା ଆଗାମୀ ଦିନରେ ମତେ ସତମାର୍ଗ ରେ ରହି ଲୋକଙ୍କ ସେବା କରିବାକୁ ପ୍ରେରଣା ଦେବ । ସମ୍ବଲପୁର ସହରରେ ଅନେକ କାମ କରିବା ବାକି ରହିଛି । ଏ ସହରକୁ ଶାନ୍ତ ଓ ସମୃଦ୍ଧ କରିବାକୁ ଆଗାମୀ ଦିନରେ କାମ କରିବି । ତେଣୁକରି ଆପଣମାନଙ୍କ ଆର୍ଶିବାଦ ରହିଥାଉ ବୋଲି ପ୍ରଣବ ପ୍ରକାଶ କହିଥିଲେ । ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶକ୍ରମେ ସମ୍ବଲପୁରକୁ ସମୃଦ୍ଧ କରିବା ପାଇଁ ଆଗାମୀ ଦିନରେ ଅନେକ ଯୋଜନା ରହିଛି । ଶିକ୍ଷା, ସ୍ୱାସ୍ଥ୍ୟ, ପର୍ଯ୍ୟଟନ ଭଳି କ୍ଷେତ୍ରରେ ବିକାଶ ହୋଇଥିବାବେଳେ ଆହୁରି କାମ ହେବା ବାକି ରହିଛି । ତେଣୁକରି ଏଠାରେ ଉପସ୍ଥିତ ଥିବା ଗୁରୁଜନ ବୃନ୍ଦ ମତେ ସଦ ବାଟ ବତାଇବେ ବୋଲି ମୁଁ ପ୍ରାର୍ଥନା କରୁଛି ବୋଲି କହିଥିଲେ । ପ୍ରଣବ ପ୍ରକାଶ ଙ୍କ ଉଦବୋଧନ ସେଠାରେ ଉପସ୍ଥିତ ଥବା ସଦସ୍ୟ ସଦସ୍ୟାଙ୍କ ମନକୁ ଛୁଇଁଥିଲା । ସମ୍ବଲପୁରବାସୀ ଙ୍କ ଆଶୀର୍ବାଦ ସଦା ତାଙ୍କ ଉପରେ ରହିବ ବୋଲି ସଭାରେ ମତପ୍ରକାଶ ପାଇଥିଲା । ପ୍ରଣବ ପ୍ରକାଶ ଦାସଙ୍କ ସହିତ ସମ୍ବଲପୁର ବିଧାୟକ ପ୍ରାର୍ଥୀ ରୋହିତ ପୂଜାରୀ ମଧ୍ୟ ଉପସ୍ଥିତ ରହି ଆଶୀର୍ବାଦ ଗ୍ରହଣ କରିଥିଲେ ।
