ବ୍ରହ୍ମଗିରି ବିଜେପି ପକ୍ଷରୁ ଶିରୁଳି ମହାବୀର ମେଳଣ ପଡିଆରେ ଆଶୀର୍ବାଦ ସମାବେଶ ଅନୁଷ୍ଠିତ ..

ଗତକାଲି ସନ୍ଧ୍ୟାରେ ଭାରତୀୟ ଜନତା ପାର୍ଟି ପକ୍ଷରୁ ଆଶୀର୍ବାଦ ସମାବେଶ ଅନୁଷ୍ଠିତ ହୋଇଥିଲା l ଏହି କାର୍ଯ୍ୟକ୍ରମ ରେ ବ୍ରହ୍ମଗିରି ର ବିଧାୟିକା ପ୍ରାର୍ଥୀ ଉପାସନା ମହାପାତ୍ର ଏବଂ ପୁରୀ ସାଂସଦ ପ୍ରାର୍ଥୀ ସମ୍ବିତ ପାତ୍ର ଏକ ବିରାଟ ବାଇକ ଶୋଭାଯାତ୍ରା ରେ ମଞ୍ଚସ୍ଥଳ ରେ ପହଂଚିଥିଲେ l ଏଠାରେ ସ୍ବର୍ଗତ ଲୁଲୁ ଭାଇଙ୍କ ଝିଅ ଉପାସନା ମହାପାତ୍ର ନିଜ ଅଭିଭାଷଣ ରଖି କହିଥିଲେ କି ମୁଁ ଓଡିଶା ବାଘ ଲୁଲୁ ମହାପାତ୍ର ଙ୍କ ଝିଅ ବାଘୁଣୀ ଉପାସନା ମହାପାତ୍ର ଆପଣ ମାନେ ମୋତେ ଭୋଟ ଦେଇ ଜିତନ୍ତୁ ମୁଁ ଆପଣ ମାନଙ୍କ ବିକାଶ କରିବି କିନ୍ତୁ ଉପାସନା ଙ୍କ ଏହି ବାଘୁଣୀ ଶବ୍ଦ କୁ ସାଧାରଣ ଜନତା ସହଜରେ ଗ୍ରହଣ କରିନଥିଲେ l ପରେପରେ ସମ୍ବିତ ପାତ୍ର ନିଜର ଅଭିଭାଷଣ ରଖି ଭୋଟ ଭିକ୍ଷା କରିବା ସହିତ ହାରିକରି କିଭଳି କାର୍ଯ୍ୟ କରିଛନ୍ତି ନିଜର ଗ୍ୟାରେଣ୍ଟି କାର୍ଡ ପଦର୍ଶନ କରିଥିଲେ l ପୁରୀ ସଦରବ୍ଲକ ମଣ୍ଡଳ ସଭାନେତ୍ରୀ ବିଦ୍ୟୁତପ୍ରଭା ମିଶ୍ରଙ୍କ ନେତୃତ୍ୱ ରେ ତିନିଶହ ରୁ ଉର୍ଦ୍ଧ ବିଜେଡି କର୍ମୀ ଭାରତୀୟ ଜନତା ପାର୍ଟି ରେ ଯୋଗଦାନ କରିଥିଲେ l ଏହି କାର୍ଯ୍ୟକ୍ରମ ରେ ପୁରୀଜିଲ୍ଲା ଯୁବମୋର୍ଚ୍ଚା ଉପସଭାପତି ବାହୁଡା଼ ପ୍ରଧାନ, ପୂର୍ବତନ ବ୍ଲକ ଅଧକ୍ଷ ଅଧିକାରୀ ନାୟକ, ପ୍ରସନ ରାଉତରାୟଙ୍କ ସହିତ ବରିଷ୍ଟ ନେତୃମଣ୍ଡଳୀ ମଞ୍ଚାସିନ ଥିଲେ l ଲୁଲୁଭାଇଙ୍କୁ ଭଲ ପାଉଥିବା ହଜାର ହଜାର ସମର୍ଥକ ମଞ୍ଚ ନିକଟରେ ଉପାସନା ଙ୍କୁ ଦେଖି ଖୁସିରେ ଉପାସନାଙ୍କ ସାନିଧ୍ୟ ଆଶାକରୁଥିବା ବେଳେ ଉପାସନା ନିକଟରେ କାମ କରୁଥିବା କର୍ମଚାରୀ ସେମାନଙ୍କୁ ଜୋରଜବରଦସ୍ତ ଘଉଡ଼ାଇ ଦେଉଥିବା ର ଦୃଶ୍ୟ ସାଧାରଣ କର୍ମୀଙ୍କୁ ଆଘାତ ଦେଇଥିଲା ଯୋଉଟାକି ସାଧାରଣ ରେ ଗ୍ରହଣୀୟ ନଥିଲା ଆଗକୁ ଦେଖିବାକୁ ବାକି ରହିଛି ଏହା ଉପାସନା ମହାପାତ୍ର ଏବଂ ସମ୍ବିତ ପାତ୍ର ଙ୍କୁ ଜିତାଇବାରେ କେତେଦୂର ସହାୟ ହେଊଛି l
(ପୁରୀରୁ ରମେଶ ସାହୁଙ୍କ ରିପୋର୍ଟ)