ବିରଞ୍ଚିପୁର ଗାଁରେ ଅଗ୍ନିକାଣ୍ଡ , ଜଳିଗଲା ୧୨ଟି ପରିବାରର ଘର

ବୁଗୁଡ଼ା : ତା ୨୨/୦୨/୨୩ : ବୁଗୁଡ଼ା ବ୍ଲକ ଅନ୍ତର୍ଗତ ବିରଞ୍ଚିପୁର ଗ୍ରାମର ତଳସାହିରେ ଅଗ୍ନିକାଣ୍ଡ ଘଟି ୧୨ଟି ପରିବାରର ଘର ପୋଡି ଯାଇଥିବା ଜଣାଯାଇଛି l ଆଜି ସନ୍ଧ୍ୟା ୭ଟା ସମୟରେ ଅଗ୍ନିକାଣ୍ଡ ଘଟିଥିବା ବେଳେ ଏଥିରେ ଗ୍ରାମର ସିମାଞ୍ଚଳ ବେହେରା, ରଘୁନାଥ ବେହେରା ,ସୋମନାଥ ବେହେରା , ବିଦ୍ୟାଧର ସାହୁ, ଲୋକନାଥ ସାହୁ, ଉପେନ୍ଦ୍ର ସାହୁ,ସନ୍ତ ସାହୁ, ଖଦାଳ ଗୌଡ଼, ଦିଲ୍ଲୀପ ପୋଲେଇ, ସିମାଞ୍ଚଳ ପୋଲେଇ ,ମୋହନ ଡାକୁଆ ଓ ବସନ୍ତ ସ୍ବାଇଁଙ୍କ ଘର ପୋଡି ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇଥିବା ଜଣା ପଡିଛି l ଖବର ପାଇ ବୁଗୁଡ଼ା ଓ ପୋଲସରା ଦମକଳ କେନ୍ଦ୍ରର ୪ ଟି ଗାଡି ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିବା ଜଣା ପଡିଛି l ସର୍ଟ ସର୍କିଟ ଯୋଗୁଁ ପ୍ରଥମେ ସିମାଞ୍ଚଳ ବେହେରାଙ୍କ ଘରେ ଅଗ୍ନିକାଣ୍ଡ ଘଟି ସାହି ପଡୋଶୀଙ୍କ ଘରକୁ ଏହା ବ୍ୟାପି ଯାଇଥିଲା l