ପୋଖରୀରେ ବୁଡି ମହିଳା ମୃତ……
ଉମରକୋଟ ,ପୋଖରୀରେ ବୁଡି ଜଣେ ମହିଳା ଙ୍କ ମୃତ୍ୟୁ ଘଟିଛି। ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ଉମରକୋଟ ବ୍ଲକ ବେନୋରା ପଞ୍ଚାୟତ ଅନ୍ତର୍ଗତ ଦେଓଗାଁ ରେ। ମୃତ ମହିଳା ଜଣକ ହେଲେ କମଳଦେଇ ଭତରା (୩୫)। ଏନେଇ କମଳଦେଇ ଙ୍କ ସ୍ବାମୀ ସୁନାଧର ଭତରା ଉମରକୋଟ ଥାନାରେ ଲିଖିତ ଅଭିଯୋଗ କରିଥିଲେ। ମିଳିଥିବା ସୂଚନା ଅନୁସାରେ କମଳଦେଇ ଗତକାଲି ୧୦ ଟା ସମୟରେ ଘର ନିକଟରେ ଥିବା ପୋଖରୀକୁ ଲୁଗା ସଫା କରିବାକୁ ଯାଇଥିଲେ। ଅସାବଧାନତା ଯୋଗୁଁ ଗୋଡ ଖସିଯିବାରୁ ଗଭୀର ପାଣି ଭିତରକୁ ଚାଲି ଯାଇଥିଲେ। ଦିନ ୧୨ ଟା ସମୟରେ ସୁନାଧର ଜମି କାମ ସାରି ଘରକୁ ଫେରିଥିଲେ। ଘରେ ସ୍ତ୍ରୀ କମଳଦେଇ ନଥିବାରୁ ପୁଅକୁ ପଚାରିଥିଲେ।ପୁଅ ମା ଲୁଗା ସଫା କରିବାକୁ ଯାଇଥିବା କହିଲା। ଘରେ ଏକ ଘଣ୍ଟା ଅପେକ୍ଷା କରିବା ପରେ ବାପା ଓ ପୁଅ ମିଶି କମଳଦେଇ କୁ ଖୋଜିବାକୁ ବାହାରିଥିଲେ। ପୋଖରୀ ନିକଟକୁ ଯାଇ ଦେଖିଲା ବେଳକୁ କମଳଦେଇ ଙ୍କ ଶବ ଭାସୁଛି। ଏନେଇ ସୁନାଧର ଗ୍ରାମ ବାସୀଙ୍କୁ ଖବର ଦେଇଥିଲେ। ଗ୍ରାମ ବାସି ଘଟଣାସ୍ଥଳରେ ପହଂଚି ଦିନ ୨ଟା ସମୟରେ ପୋଖରୀରୁ ଶବ ଉଦ୍ଧାର କରି ପୋଲିସ କୁ ଖବର ଦେଇଥିଲେ। ପୋଲିସ ଘଟଣାସ୍ଥଳରେ ପହଂଚି ଶବ ଜବତ କରିବା ସହ ବ୍ୟବଛେଦ ପାଇଁ ଉମରକୋଟ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର କୁ ପଠାଇ ଥିଲେ। ଆଜି ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଥିଲା। ସୂଚନା ଥାଉକି କମଳଦେଇ ଙ୍କ ଗୋଟିଏ ୧୨ ବର୍ଷର ପୁଅ ଓ ଗୋଟିଏ ୫ ବର୍ଷର ଝିଅ ଅଛନ୍ତି।ମା କୁ ହରାଇ ଦୁଇ ଛୋଟ ପିଲା ଦୁଃଖରେ ଭାଙ୍ଗି ପଡିଛନ୍ତି। ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ ଚଳାଇଛନ୍ତି। ଏସଆଇ ଦିଲିପ କୁମାର ବାଗ ଘଟଣାର ତଦନ୍ତ କରୁଛନ୍ତି।(ନବରଙ୍ଗପୁର ଜିଲ୍ଲା ଉମରକୋଟ ରୁ ଏମ୍.ଦିନା°ଶୁ ଆଚାରୀ ଙ୍କ ରିପୋର୍ଟ)
