ଠାକୁର ଅନୁକୂଳଚନ୍ଦ୍ରଙ୍କ ୧୩୬ତମ ଆବିର୍ଭାବ ମହୋତ୍ସବ….

ବୁଗୁଡ଼ା : ସ୍ଥାନୀୟ ସତସଙ୍ଗ କେନ୍ଦ୍ର ପକ୍ଷରୁ ଠାକୁର ଅନୁକୂଳଚନ୍ଦ୍ରଙ୍କ ୧୩୬ତମ ଜନ୍ମ ମହୋତ୍ସବ ସହ ବୁଗୁଡ଼ା ସତସଙ୍ଗ କେନ୍ଦ୍ରର ୨୪ତମ ପ୍ରତିଷ୍ଠା ଦିବସ ପାଳିତ ହୋଇଯାଇଛି। ଉକ୍ତ ମହୋତ୍ସବ ଅବସରରେ ବ୍ରାହ୍ମ ମୁହୂର୍ତ୍ତରେ ବେଦ ମାଙ୍ଗଳିକ ଓ ନବହତ , ପ୍ରତ୍ଯୁଷରେ ଉଷା କୀର୍ତ୍ତନ , ପ୍ରାତଃକାଳରେ ସମବେତ ଉଷା ବିନତି ପ୍ରାର୍ଥନା , ପୂର୍ବାହ୍ନରେ ନଗର କୀର୍ତ୍ତନ ସହ ସତସଙ୍ଗ ଓ ସଦାଲୋଚନା କରାଯାଇଥିଲା । ଅପରାହ୍ନରେ ଆୟୋଜିତ ମାତୃ ସମ୍ମିଳନୀରେ ସୁମତି ସାହୁ , ମହାଲକ୍ଷ୍ମୀ ପାତ୍ର ଓ ସୌଭାଗ୍ଯ ମଞ୍ଜରୀ ପଟ୍ଟନାୟକ ପ୍ରମୁଖ ଯୋଗ ଦେଇ ଠାକୁରଙ୍କ ନୀତିବାଣୀ ସମ୍ପର୍କେ ଆଲୋକପାତ କରିଥିଲେ । ଉକ୍ତ ମହୋତ୍ସବରେ ଅତିଥି ଭାବେ ସହପ୍ରତି ରିତ୍ବିକ୍ ନିରଞ୍ଜନ ବେହେରା , ଅରଖିତ ରଣା , ପବିତ୍ର ବେହେରା , ରାମଚନ୍ଦ୍ର ଗୌଡ ଓ ଧ୍ରୁବ ଚରଣ ମହାରଣା ପ୍ରମୁଖ ଯୋଗ ଦେଇ ମାର୍ଗ ଦର୍ଶନ କରିଥିଲେ । ଉକ୍ତ କାର୍ଯ୍ୟକ୍ରମକୁ ଉତ୍ସବ କମିଟି ସଭାପତି ଭଗବାନ ବଢେଇଙ୍କ ସମେତ ଅନ୍ୟ କର୍ମକର୍ତ୍ତାମାନେ ପରିଚାଳନା କରିଥିଲେ ।