ଗ୍ରାସିମ କମ୍ପାନୀ ଷ୍ଟାଫ କଲୋନୀରୁ ଟଙ୍କା ସୁନା ଗହଣା ଲୁଟ ଘଟଣା ରେ ସିକ୍ୟୁରିଟି ମାନଙ୍କୁ ପଚାରା ଉଚରା

ଗ୍ରାସିମ କମ୍ପାନୀ ଷ୍ଟାଫ କଲୋନୀରୁ ଟଙ୍କା ସୁନା ଗହଣା ଲୁଟ ଘଟଣା ରେ ସିକ୍ୟୁରିଟି ମାନଙ୍କୁ ପଚାରା ଉଚରା
=========================

ଗଞ୍ଜାମ =ପ୍ରଦୀପ କୁମାର ପଣ୍ଡା

ଗଞ୍ଜାମ ବିଜ୍ଞାପିତ ଅଞ୍ଚଳ 10ନମ୍ବର ୱାର୍ଡ ଅଧିନସ୍ତ ଗ୍ରାସୀମ କମ୍ପାନୀ ର ଷ୍ଟାଫ କଲୋନୀରେ ଦୀର୍ଘ ଦିନ ହେବ ରହି ଆସୁଥିବା ସନଟେକ କମ୍ପାନୀ ପରିଚାଳକ ହିମାଂଶୁ ମିଶ୍ରଙ୍କ କ୍ୱାଟରରୁ ଲକ୍ଷ ଧିକ ଟଙ୍କା ସମେତ ସୁନା ଗହଣା ଲୁଟ ହୋଇଥିବା ନେଇ ଗତ ବୁଧବାର ଦିନ ଗଞ୍ଜାମ ଥାନାରେ ଅଭିଯୋଗ ହୋଇଥିଲା l ଏତେ ସଂଖ୍ୟକ ସିକ୍ୟୁରିଟି ବ୍ୟବସ୍ଥା ଥାଇ ମଧ୍ୟ କିଭଳି ଲୁଟ ହେଲା ତାହା ସବୁଠି ଚର୍ଚ୍ଚା ଜୋର ଧରିଥିବା ବେଳେ ପୋଲିସ କିନ୍ତୁ ଏହି ମାମଲା ସିକ୍ୟୁରିଟି ମାନଙ୍କୁ ଥାନାକୁ ଡକାଯାଇ ତଦନ୍ତ ଜାରି ରଖିଛି l ପୋଲିସ ପକ୍ଷରୁ ପଚରାଉଚରା ଜାରି ରଖିବା ସହ ସିକ୍ୟୁରିଟି ମାନଙ୍କ ମୋବାଇଲ ଫୋନ ଯାଞ୍ଚ ମଧ୍ୟ କରାଯାଉଛି l ଖୋଦ ଗଞ୍ଜାମ ଏସି.ପି ଓ ଏସ. ଡ଼ି. ପି. ଓ ଗଞ୍ଜାମ ଥାନା ଆସି ସନ୍ଦେହ ଥିବା ଲୋକଙ୍କ ବିଷୟରେ ସିକ୍ୟୁରିଟି ମାନଙ୍କୁ ପଚରାଉଚରା କରିଛନ୍ତି l ସେମାନଙ୍କ ମୋବାଇଲ ଯାଞ୍ଚ କରାଯାଉଛି l ଏଥିସହ ଦୈନନ୍ଦିନ ଷ୍ଟାଫ କଲୋନୀକୁ କ୍ଷୀର ଦେବା ଲାଗି ଯାଉଥିବା କିଛି କ୍ଷୀର ବାଲାଙ୍କୁ ମଧ୍ୟ ପୋଲିସ ଥାନାକୁ ଡ଼ାକିଥିବା ଜଣାପଡିଛି l ବାହାରରୁ ବାରମ୍ବାର ପ୍ରବେଶ କରିଥିବା ବ୍ୟକ୍ତି ମାନଙ୍କୁ ନଜର ରଖିଛି l ଅନ୍ୟପଟେ ଏତେ ଟଙ୍କା ଘରେ ରଖି କିପରି ବାହାରକୁ ଯାଇଥଲେ ଘରର ସମସ୍ତ ପରିବାର ବୋଲି ମଧ୍ୟ ଆଲୋଚନା ହେଉଛି l ଏହା ମଧ୍ୟ ତଦନ୍ତ ପରିସର ଭୁକ୍ତ ବୋଲି ସ୍ଥାନୀୟ ଅଂଚଳରେ ବେଶ ଚର୍ଚ୍ଚା ହେଉଛି l ବର୍ତମାନ ସବୁଠୁ ବଡ଼ ପ୍ରଶ୍ନ ପୋଲିସ ଉକ୍ତ ଲୁଟ ଘଟଣାର ପରଦା ଫ୍ଲlସ ହେବ ବୋଲି ଜନସାଧାରଣ ପୋଲିସ ଉପରେ ବିଶ୍ୱାସ ରଖିଛନ୍ତି l