ଧର୍ମଶାଳା କଲେଜରେ ପୁରଷ୍କାର ବିତରଣୀ ଓ ବିଦାୟ ସମ୍ବର୍ଦ୍ଧନା ସମାରୋହ ଅନୁଷ୍ଠିତ

ଉଲୁଣ୍ଡା – ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ଅନ୍ତର୍ଗତ ଧର୍ମଶାଳା ଯୁକ୍ତଦୁଇ ମହାବିଦ୍ୟାଳୟ ଠାରେ ପୁରଷ୍କାର ବିତରଣୀ ଓ ବିଦାୟ ସମ୍ବର୍ଦ୍ଧନା ସମାରୋହ ଅନୁଷ୍ଠିତ ହୋଇ ଯାଇଛି ।ମହାବିଦ୍ୟାଳୟର ଅଧ୍ୟକ୍ଷ ଗୋପାଳ ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉତ୍ସବରେ ସୋନପୁର ମହାବିଦ୍ୟାଳୟ ଓଡ଼ିଆ ଅଧ୍ୟାପକ ଡକ୍ଟର ସୌରଭ ରଂଜନ ଖମାରୀ ବ୍ୟଙ୍ଗକବି ଶ୍ୟାମା ଓଁ ପ୍ରସାଦ ମିଶ୍ର ଏବଂ ଉଲୁଣ୍ଡା ପଂଚାୟତ ସମିତି ଡିଗ୍ରୀ କଲେଜର ଅଧ୍ୟାକ୍ଷ୍ୟ ଡକ୍ଟର ଦେବାଶିଷ ପାଣ୍ଡିଆ ଅତିଥି ଭାବରେ ଯୋଗ ଦେଇ ତାଙ୍କର ବହୁମୂଲ୍ୟ ବକ୍ତବ୍ୟ ପ୍ରଦାନ କରିବା ସହିତ ସାଂସ୍କୃତିକ କାର୍ଯ୍ୟକ୍ରମରେ ଅଂଶଗ୍ରହଣ କରି ଛାତ୍ରଛାତ୍ରୀମାନଙ୍କୁ ଉତ୍ସାହିତ କରିଥିଲେ ।ଏହି ଅବସରରେ ଅତିଥିମାନଙ୍କ ଗହଣରେ ଏକ ସୁଂଦର କବିତା ପାଠୋତ୍ସବ ଅନୁଷ୍ଠିତ ହୋଇଥିଲା ।କବି ବିଘ୍ନରାଜ ପଣ୍ଡାଙ୍କ ସହିତ ଛାତ୍ରଛାତ୍ରୀ ଓ ଅତିଥିମାନେ ସ୍ବରଚିତ କବିତା ପାଠ କରିଥିଲେ ।ପ୍ରାରମ୍ଭରେ ଡକ୍ଟର ପୁରୁଷୋତ୍ତମ ମିଶ୍ର ଅତିଥି ପରିଚୟ ଓ ସ୍ବାଗତ ସଂଭାଷଣ ପ୍ରଦାନ କରିଥିଲେ ।ଇଂରାଜୀ ବିଭାଗର ପ୍ରାଧ୍ୟାପକ ସୌମିତ୍ରୀ ପ୍ରଧାନ ଧନ୍ୟବାଦ ଅର୍ପଣ କରିଥିଲେ ।ଶେଷରେ କୃତୀ ଛାତ୍ରଛାତ୍ରୀ ମାନଙ୍କୁ ପୁରଷ୍କାର ପ୍ରଦାନ କରିବା ସହିତ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମକୁ ଅଧ୍ୟାପକ ସତ୍ୟନାରାୟଣ ମହାକୁର , ରାଜେନ୍ଦ୍ର ବେଦବାକ୍ , କାଶିନାଥ ମିଶ୍ର , ଗୋବିନ୍ଦ ପ୍ରଧାନ , ଗଦାଧର ପ୍ରଧାନ , ବିଭୀଷଣ ପ୍ରଧାନ ,ନୀଳାମ୍ବର ଝାଂକର ଆଦି କର୍ମଚାରୀ ବୃନ୍ଦ ସହଯୋଗ କରିଥିବାବେଳେ ସୁଶ୍ରୀ ରୁବି ବେହେରା ଓ ସୁଶ୍ରୀ ଯସ୍ମୀନ୍ ରାଣୀ ବେଦବାକ୍ ସଂଯୋଜନା କରିଥିଲେ। ଶେଷରେ ଯୁକ୍ତଦୁଇ ଦ୍ବିତୀୟ ବର୍ଷର ଛାତ୍ରଛାତ୍ରୀମାନେ ଏକ ଭାବ ବିହ୍ବଳ ପରିବେଶରେ ମହାବିଦ୍ୟାଳୟରୁ ବିଦାୟ ନେଇଥିଲେ ।