ଯୁବ ରେଡ କ୍ରସ୍ ସ୍ବେଚ୍ଛାସେବୀଙ୍କ ପ୍ରଶିକ୍ଷଣ ଶିବିର
ଯୁବ ରେଡ କ୍ରସ୍ ସ୍ବେଚ୍ଛାସେବୀଙ୍କ ପ୍ରଶିକ୍ଷଣ ଶିବିର
ବୁଗୁଡ଼ା : ତା ୩୦/୦୯/୨୩ : ସ୍ଥାନୀୟ ପିପୁଲ୍ସ କଲେଜ ପରିସରସ୍ଥ ସମ୍ମିଳନୀ କକ୍ଷରେ ୟୁଥ୍ ରେଡ୍ କ୍ରସ୍ ପକ୍ଷରୁ ଏକ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି । ଉକ୍ତ ଏକଦିବସୀୟ ପ୍ରଶିକ୍ଷଣ ଶିବିରକୁ କଲେଜ ଅଧ୍ୟକ୍ଷ ହରିକୃଷ୍ଣ ନାୟକ ଉଦଘାଟନ କରିଥିଲେ । ଏଥିରେ ଆଇକ୍ୟୁଏସି ସଂଯୋଜକ ଡଃ.ପ୍ରଦୀପ କୁମାର ଦାଶ ଅତିଥି ଭାବେ ଯୋଗ ଦେଇ ସ୍ବେଚ୍ଛାସେବୀଙ୍କୁ ମାର୍ଗ ଦର୍ଶନ କରିବା ସହ ଉତ୍ସାହିତ କରିଥିଲା ବେଳେ ଓ୍ବାଇଆରସି ଜିଲ୍ଲା ସଂଯୋଜକ ଦିଲ୍ଲୀପ କୁମାର ଆଚାର୍ଯ୍ୟ ପ୍ରଶିକ୍ଷକ ଭାବେ ଯୋଗ ଦେଇଥିଲେ ଏବଂ ୫୦ ଜଣ ସ୍ବେଚ୍ଛାସେବୀ ଅଂଶ ଗ୍ରହଣ କରିଥିଲେ । ଏ ଅବସରରେ ପ୍ରଶିକ୍ଷକଙ୍କ ଦ୍ବାରା ପ୍ରାଥମିକ ଉପଚାର ସମ୍ପର୍କେ ଶିବିରାର୍ଥୀଙ୍କୁ ତାଲିମ୍ ପ୍ରଦାନ କରାଯାଇଥିଲା । ଉକ୍ତ କାର୍ଯ୍ୟକ୍ରମ ପ୍ରାରମ୍ଭରେ ଅଧ୍ଯାପକ ବିନୋଦ କୁମାର କର ସ୍ବାଗତ ସମ୍ଭାଷଣ ପ୍ରଦାନ କରିଥିବା ବେଳେ ପରିଶେଷରେ ଅଧ୍ୟାପିକା ସନ୍ଧ୍ଯାରାଣୀ ସାହୁ ଧନ୍ୟବାଦ ଅର୍ପଣ କରିଥିଲେ । ଉକ୍ତ ଶିବିର ଅବସରରେ ଶିବିରାର୍ଥୀମାନଙ୍କ ଦ୍ବାରା ଆଗାମୀ ଗାନ୍ଧୀ ଜୟନ୍ତୀ ଉପଲକ୍ଷେ “ସ୍ବଚ୍ଛତା ହିଁ ସେବା” କାର୍ଯ୍ୟକ୍ରମ ଆଧାରରେ କଲେଜର ଉଦ୍ଭିଦ ବିଜ୍ଞାନ ଉଦ୍ଯାନ ପରିସରରୁ ଅନାବନା ଗଛଗୁଡିକୁ ଉପାଡି ତାହାକୁ ସଫେଇ କରାଯାଇଥିଲା । ଉକ୍ତ କାର୍ଯ୍ୟକ୍ରମ ପରିଚାଳନାରେ ପ୍ରାକ୍ତନ ଛାତ୍ରଛାତ୍ରୀ ସ୍ମୃତିଶିଖା ପ୍ରଧାନ, ଅଲେଖ ବାରିକ ଓ ମୋହିତ କୁମାର ସାହୁ ପ୍ରମୁଖ ସକ୍ରିୟ ସହଯୋଗ କରିଥିଲେ ।
