ମୋଟାବାଡ଼ି ଗ୍ରାମରେ ଛୁରା ମାଡରେ ଜଣେ ଯୁବକ ଆହତ, ଅଭିଯୁକ୍ତ ଗିରଫ

ବୁଗୁଡ଼ା : ତା ୦୩/୦୨/୨୩ : ବୁଗୁଡ଼ା ଥାନା ଅନ୍ତର୍ଗତ ମୋଟାବାଡ଼ି ଗ୍ରାମରେ ଛୁରା ମାଡରେ ଜଣେ ଯୁବକ ଗୁରୁତର ଆହତ ହୋଇଥିବା ବେଳେ ଅକ୍ରମଣକାରୀକୁ ପୋଲିସ ଗିରଫ କରି କୋର୍ଟ ଚାଲାଣ କରିଥିବା ଜଣାଯାଇଛି l ଆହତ ଯୁବକ ହେଲେ ମୋଟାବାଡ଼ି ଗ୍ରାମର ଦୀପକ ରାଉତ (୩୨ ) ଏବଂ ଗିରଫ ଅଭିଯୁକ୍ତ ଜଣକ ସେହି ଗ୍ରାମର ସିପୁନ୍ ପ୍ରଧାନ । ଏ ନେଇ କେସ୍ ନଂ୭୫/୨୩ରେ ଏକ ମାମଲା ରୁଜୁ ହୋଇଥିବା ଆଇଆଇସି ଚିତ୍ତରଞ୍ଜନ ବେହେରାଙ୍କ ଠାରୁ ପ୍ରକାଶ ପାଇଛି ।
ପ୍ରକାଶ ଯେ, ଗତ ଗୁରୁବାର ରାତି ପ୍ରାୟ ୯ ଟା ବେଳେ ଦୀପକଙ୍କ ଘର ସାମ୍ନାରେ ଏହି ଘଟଣା ଘଟିଥିଲା। ସକାଳେ ଗାଁ ନିକଟରେ ହୋଇଥିବା ଗାଡି ଧକ୍କା ଘଟଣାକୁ କେନ୍ଦ୍ର କରି ଉଭୟଙ୍କ ମଧ୍ୟରେ ବଚସା ହୋଇଥିଲା । ଏଥିରେ ଉତକ୍ଷିପ୍ତ ହୋଇ ସିପୁନ୍ ଛୁରିରେ ଦୀପକକୁ ଆକ୍ରମଣ କରିଥିଲା । ଫଳରେ ଦୀପକର ମୁଣ୍ଡ, ମୁହଁ ଓ ହାତରେ ଆଘାତ ଲାଗିଥିଲା । ଆହତ ଦୀପକ ବୁଗୁଡ଼ା ମେଡିକାଲରେ ପହଞ୍ଚି ଚିକିତ୍ସିତ ହୋଇଥିବା ବେଳେ ତାଙ୍କର ଅଭିଯୋଗ କ୍ରମେ ପୋଲିସ ଅଭିଯୁକ୍ତ ସିପୁନକୁ ଗିରଫ କରିଥିଲା ।