ଝୁଲନ୍ତା ଅବସ୍ଥାରେ ଜବାନଙ୍କ ମୃତ ଦେହ ଉଦ୍ଧାର କଲା ପୋଲିସ

ଝୁଲନ୍ତା ଅବସ୍ଥାରେ ଜବାନଙ୍କ ମୃତ ଦେହ ଉଦ୍ଧାର କଲା ପୋଲିସ
ବୁଗୁଡ଼ା : ତା ୩୦/୦୭/୨୩ : ବୁଗୁଡ଼ା ଥାନା ବାଲିପଦର ଫାଣ୍ଡି ଅନ୍ତର୍ଗତ ଦଶୀପୁର ଗ୍ରାମରେ ଜନୈକ ଜବାନଙ୍କ ଝୁଲନ୍ତା ମୃତ ଦେହକୁ ଆଜି ସକାଳେ ବାଲିପଦର ପୋଲିସ ଉଦ୍ଧାର କରିଥିବା ଜଣାଯାଇଛି ।ମୃତ ଜବାନ ଜଣକ ହେଲେ ଉମା ଚରଣ ସ୍ବାଇଁ (୩୦) । ଏ ନେଇ ବୁଗୁଡା ଥାନାରେ କେସ୍ ନଂ ୧୭/୨୩ରେ ଏକ ଅପମୃତ୍ୟୁ ମାମଲା ରୁଜୁ ହୋଇଥିବା ଆଇଆଇସି ଚିତ୍ତରଞ୍ଜନ ବେହେରାଙ୍କ ଠାରୁ ପ୍ରକାଶ ପାଇଛି ।ଘଟଣାରୁ ପ୍ରକାଶ ଯେ , ସେନା ବାହିନୀରେ ଚାକିରି କରୁଥିବା ଉମାଚରଣ ସ୍ବାଇଁ ସପ୍ତାହ ତଳେ ଗାଁକୁ ଆସିଥିଲେ । ଘରେ ଏକାକୀ ଥିଲାବେଳେ ଗତକାଲି ବିଳମ୍ବିତ ରାତିରେ ଉମାଚରଣ ବେକରେ ଲୁଗା ଭିଡି ସିଲିଂ ଫ୍ଯାନରେ ଝୁଲିପଡିଥିଲେ । ତାଙ୍କର ପରିବାରଠାରୁ ଖବର ପାଇ ଆଜି ସକାଳେ ବାଲିପଦର ଫାଣ୍ଡି ଅଧିକାରୀ ସମୀର କୁମାର ବେହେରା ଘଟଣା ସ୍ଥଳରେ ପହଞ୍ଚି ଶବକୁ ଜବତ କରି ବ୍ଯବଚ୍ଛେଦ ପାଇଁ ଭଞ୍ଜନଗର ପଠାଇଥିବା ଜଣାଯାଇଛି ।ପାରିବାରିକ ଅଶାନ୍ତି କାରଣରୁ ଉକ୍ତ ଆତ୍ମହତ୍ୟା ଘଟଣା ଘଟିଥିବା ସନ୍ଦେହ କରାଯାଉଛି ।