ପାଞ୍ଚ ଫୁଟିଆ ନାଗ ସାପ ଉଦ୍ଧାର
ବୁଗୁଡ଼ା : ତା ୩୧/୦୭/୨୩ : ବୁଗୁଡ଼ା ନିକଟସ୍ଥ ବିରଞ୍ଚିପୁର ଗ୍ରାମର ତଳସାହି ବାସିନ୍ଦା ଦିଲ୍ଲୀପ ପୋଲେଇଙ୍କ ଘର ନିକଟ ଏକ ଇଟାଗଦାରୁ ପାଞ୍ଚ ଫୁଟିଆ ନାଗ ସାପଟିଏ ଉଦ୍ଧାର ହୋଇଥିବା ଜଣାଯାଇଛି । ଘଟଣାରୁ ପ୍ରକାଶ ଯେ, ଆଜି ସକାଳେ ଦିଲ୍ଲୀପଙ୍କ ଘର ପାଖରେ ଥିବା ଇଟାଗଦା ଭିତରେ ନାଗ ସାପଟି ରହି ଗର୍ଜନ କରୁଥିବାର ଦେଖିବାକୁ ମିଳିଥିଲା। ସାପଟି କାଳେ ଘର ଭିତରକୁ ପଶି ଆସିବ ମନେକରି ଦିଲ୍ଲୀପଙ୍କ ପରିବାର ଲୋକେ ଭୟଭୀତ ହୋଇପଡିଲେ। ଏ ନେଇ ସ୍ନେକ୍ ହେଲ୍ପ ଲାଇନ୍ ସଦସ୍ଯ ହରିଶ୍ ପାଢୀଙ୍କୁ ଖବର ଦେବା ପରେ ସେ ଘଟଣା ସ୍ଥଳରେ ପହଞ୍ଚି କୌଶଳରେ ସାପଟିକୁ ଉଦ୍ଧାର କରି ନିକଟସ୍ଥ ଜଙ୍ଗଲରେ ଛାଡ଼ି ଦେଇଥିଲେ ।
