ସରିଲା ଛତ୍ରପୁର ଓକିଲ ସଂଘର ନିର୍ବାଚନ ସଭାପତି ଭାବେ ପ୍ରଦୀପ ସମ୍ପାଦକ ଭାବେ ସୁରେଶ ନିର୍ବାଚିତ
ଛତ୍ରପୁର,୩୦/୦୩ ଛତ୍ରପୁର ଓକିଲସଂଘର ବିଭିନ୍ନ କର୍ମକର୍ତ୍ତା ନିମନ୍ତେ ନିର୍ବାଚନ ଶନିବାର ଅନୁଷ୍ଠିତ ହୋଇଯାଇଛି । ସଂଘର ବିଭିନ୍ନ ପଦ ପଦବୀ ନିମନ୍ତେ ନିର୍ବାଚନ ନିମନ୍ତେ ମତଦାନ ହେବା ସହିତ ଫଳାଫଳ ଘୋଷାଣ ହୋଇଯାଇଛି । ଓକିଲ ସଂଘର ସଭାପତି ପଦବୀ ନିମନ୍ତେ ପ୍ରଦୀପ କୁମାର ପାଢୀ ଓ ଏଲ .ଗୋପାଲ ରାଓ ମଧ୍ୟରେ ମୁକାବିଲା ହୋଇଥିବା ବେଳେ ପ୍ରଦୀପ କୁମାର ପାଢୀ ସଭାପତି ଭାବେ ନିର୍ବାଚିତ ହୋଇଛନ୍ତି । ସେହିପରି ସମ୍ପାଦକ ପଦବୀ ପାଇଁ ଡି. ପଦ୍ମନାଭ ପ୍ରଧାନ, ଏସ. ଶ୍ୟାମ କୁମାର ଓ ସୁରେଶ କୁମାର ପଟ୍ଟନାୟକ ମଧ୍ୟରେ ମୁକାବିଲା ହୋଇଥିବା ବେଳେ ସୁରେଶ କୁମାର ପଟ୍ଟନାୟକ ସମ୍ପାଦକ ଭାବେ ନିର୍ବାଚିତ ହୋଇଛନ୍ତି । ଯୁଗ୍ମ ସମ୍ପାଦକ ଭାବେ କୁସ କୁମାର ବେହେରା ଓ ସମୀର କୁମାର ପାଣିଗ୍ରାହୀ ମଧ୍ୟରେ ମୁକାବିଲା ହୋଇଥିବା ବେଳେ ଯୁଗ୍ମ ସମ୍ପାଦକ ଭାବେ ସମୀର କୁମାର ପାଣିଗ୍ରାହୀ ନିର୍ବାଚିତ ହୋଇଛନ୍ତି । ପୂର୍ବରୁ ଲାଇବ୍ରେରୀ ସେକ୍ରେଟାରୀ ଭାବେ ବିଶ୍ୱ ଭୂଷଣ ପାଢୀ, ସହ -ସମ୍ପାଦକ ଭାବେ ଜିତୁନ କୁମାର ପାଢୀ, ଉପସଭାପତି ଭାବେ ଚୈତନ୍ୟ ପ୍ରଧାନ ଓ କୋଷାଧ୍ୟକ୍ଷ ଭାବେ ସଞ୍ଜୟ କୁମାର ବେହେରା ନିଦ୍ୱନ୍ଦ ଭାବେ ବିଜୟୀ ହୋଇଥିଲେ । ନିର୍ବାଚନ ଅଧିକାରୀ ଭାବେ ଦେବେନ୍ଦ୍ର କୁମାର ମିଶ୍ର ଦାୟିତ୍ୱ ତୁଲାଇ ଥିବା ବେଳେ ସହକାରୀ ନିର୍ବାଚନ ଅଧିକାରୀ ଭାବେ ସନ୍ତୋଷ କୁମାର ସାହୁ ଓ ନରସିଂହ ପାଢୀ ଦାୟିତ୍ୱ ତୁଲାଇଥିଲେ ।: (ଅରୁଣ କୁମାର ପଣ୍ଡା )
