ଆଇଆରପିଏମ୍ ଅଧ୍ଯାପକଙ୍କୁ ଅବସରକାଳୀନ ବିଦାୟ ସମ୍ବର୍ଦ୍ଧନା
ବୁଗୁଡା : ତା ୩୧/୦୩/୨୩ : ସ୍ଥାନୀୟ ପିପୁଲ୍ସ କଲେଜର ଆଇଆରପିଏମ୍ ବିଭାଗୀୟ ମୁଖ୍ୟ ଅଧ୍ୟାପକ ପ୍ରଭଞ୍ଜନ ମୁନିଙ୍କୁ ଅବସରକାଳୀନ ବିଦାୟ ସମ୍ବର୍ଦ୍ଧନା ପ୍ରଦାନ କରାଯାଇଛି । ଏଥି ନିମନ୍ତେ କଲେଜ ସମ୍ମିଳନୀ କକ୍ଷରେ ଆୟୋଜିତ ଏକ କାର୍ଯ୍ୟକ୍ରମରେ କଲେଜ ଅଧ୍ୟକ୍ଷ ରଜନୀ କାନ୍ତ ଦାଶ ଅଧ୍ୟକ୍ଷତା କରିଥିବା ବେଳେ ଏଥିରେ ଷ୍ଟାଫ୍ ଆସୋସିଏସନ୍ ସମ୍ପାଦକ ଅକ୍ଷୟ କୁମାର ସାହୁ, ଅଧ୍ଯାପକ ପ୍ରଦୀପ କୁମାର ଦାଶ , ଆତ୍ମପ୍ରକାଶ ନାୟକ , ହରିକୃଷ୍ଣ ନାୟକ , ଜୟରାମ ବିଷୋୟୀ , ସଞ୍ଜୟ କୁମାର ପ୍ରଧାନ , ରବିନ୍ଦ୍ର ନାଥ ପୋଲାଇ , ଦିଲ୍ଲୀପ କୁମାର ସେଠୀ , ଅଧ୍ୟାପିକା ଅନୀତା ଦେବୀ , ସୁରଜିତା ସ୍ବାଇଁ , ସନ୍ତୋଷୀ ରାଜୁ , ରଶ୍ମିତା ମିଶ୍ରଙ୍କ ସମେତ କଲେଜ କର୍ମଚାରୀମାନେ ଯୋଗ ଦେଇ ବିଦାୟୀ ଅଧ୍ଯାପକ ପ୍ରଭଞ୍ଜନ ମୁନିଙ୍କ ଗୁଣଗାନ କରିବା ସହ ତାଙ୍କର ୩୦ ବର୍ଷ ଅଧ୍ଯାପନା କାଳର କାର୍ଯ୍ଯକଳାପ ଅବିସ୍ମରଣୀୟ ହୋଇ ରହିବ ବୋଲି ମତବ୍ୟକ୍ତ କରିଥିଲେ । ଏ ଅବସରରେ ତାଙ୍କୁ ଉପଢୌକନ , ମାନପତ୍ର ଓ ଉପହାର ପ୍ରଦାନ ପୂର୍ବକ ସମ୍ବର୍ଦ୍ଧିତ କରାଯାଇଥିଲା । ପରିଶେଷରେ ଷ୍ଟାଫ୍ ଆସୋସିଏସନ୍ ସହ-ସମ୍ପାଦକ ସୁଶାନ୍ତ କୁମାର ସାହୁ ଧନ୍ୟବାଦ ଅର୍ପଣ କରିଥିଲେ ।
