ଆଇଆରପିଏମ୍ ବିଭାଗ ପକ୍ଷରୁ ରାଜ୍ୟ ସ୍ତରୀୟ ପାଠଚକ୍ର
ବୁଗୁଡ଼ା : ତା ୩୦/୦୩/୨୩ : ସ୍ଥାନୀୟ ପିପୁଲ୍ସ କଲେଜର ସମ୍ମିଳନୀ ଆଇଆଇପିଏମ୍ ବିଭାଗ ପକ୍ଷରୁ “ଆଇକ୍ୟୁଏସି” ଏବଂ ‘ମୋ କଲେଜ ଅଭିଯାନ’ର ମିଳିତ ସହଯୋଗରେ ଏକ ରାଜ୍ୟ ସ୍ତରୀୟ ପାଠଚକ୍ର ଅନୁଷ୍ଠିତ ହୋଇଯାଇଛି । କଲେଜ ଅଧ୍ୟକ୍ଷ ରଜନୀ କାନ୍ତ ଦାଶଙ୍କ ପୌରହିତ୍ଯରେ ଅନୁଷ୍ଠିତ ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବ୍ରହ୍ମପୁର ବିଶ୍ବବିଦ୍ୟାଳୟର ପ୍ରାକ୍ତନ ପ୍ରଫେସର ସୁବାସ ଚନ୍ଦ୍ର ପରିଡା , ମୁଖ୍ୟ ବକ୍ତା ଭାବେ ଗୁଣୁପୁର କଲେଜର ପ୍ରାକ୍ତନ ଅଧ୍ଯକ୍ଷ ବାମଦେବ ମିଶ୍ର , ସମ୍ମାନିତ ଅତିଥି ଭାବେ ଗୋପାଳପୁର କଲେଜର ପ୍ରାକ୍ତନ ପ୍ରାଧ୍ୟାପକ ପିତାମ୍ବର ବିଷୋୟୀ ଯୋଗ ଦେଇ ପାଠଚକ୍ରର ଶୀର୍ଷକ ” ଅର୍ଗାନାଇଜେସନାଲ୍ କଲ୍ଚର ଏଣ୍ଡ୍ ଇଟ୍ସ୍ ଏଫେକ୍ଟିଭନେସ୍ ” ସମ୍ବନ୍ଧରେ ବକ୍ତବ୍ୟ ରଖିଥିଲେ । ଉକ୍ତ କାର୍ଯ୍ୟକ୍ରମର ପ୍ରାରମ୍ଭରେ ଛାତ୍ରୀ ଉଷାରାଣୀ ବିଶ୍ବାଳ ସ୍ବାଗତ ସଙ୍ଗୀତ ଗାନ ଓ ଅଧ୍ଯାପକ ପ୍ରଦୀପ କୁମାର ଦାଶ ଅତିଥି ପରିଚୟ ପ୍ରଦାନ କରିଥିବା ବେଳେ ଛାତ୍ରୀ ମୁକ୍ତି ପଣ୍ଡା ପାଠଚକ୍ରର ସନ୍ଦର୍ଭ ପାଠ ଓ ପାଠଚକ୍ର ସମ୍ପାଦକ ଆଶିଷ କୁମାର ସାହୁ ବିବରଣୀ ପାଠ କରିଥିଲେ । ଏଥିରେ ବିଭାଗୀୟ ଛାତ୍ରଛାତ୍ରୀଙ୍କ ସମେତ ଅନ୍ଯାନ୍ଯ ଅଧ୍ଯାପକ ଓ ଅଧ୍ୟାପିକା ଯୋଗ ଦେଇଥିଲେ । ଏହି କାର୍ଯ୍ୟକ୍ରମକୁ ବିଭାଗୀୟ ମୁଖ୍ୟ ଅଧ୍ୟାପକ ପ୍ରଭଞ୍ଜନ ମୁନି ପରିଚାଳନା କରିଥିବା ବେଳେ ପରିଶେଷରେ ଅଧ୍ୟାପକ ଆତ୍ମ ପ୍ରକାଶ ନାୟକ ଧନ୍ୟବାଦ ଅର୍ପଣ କରିଥିଲେ ।
