ପଠାଣ ମହଲ୍ଲା ସରକାରୀ ବାଳିକା ପ୍ରାଥମିକ ବିଦ୍ୟାଳୟର ୧୪୩ତମ ବାର୍ଷିକ ଉତ୍ସବ ଅନୁଷ୍ଠିତ ..
ବାଲେଶ୍ୱର(ଶେଖ୍ ନଜିମ୍): ବାଲେଶ୍ୱର ପୌରାଞ୍ଚଳର ପୁଲବଜାର ସ୍ଥିତ ପଠାଣ ମହଲ୍ଲା ସରକାରୀ ବାଳିକା ପ୍ରାଥମିକ ବିଦ୍ୟାଳୟର ୧୪୩ତମ ବାର୍ଷିକ ଉତ୍ସବ ଓ ପୁରସ୍କାର ବିତରଣ ଉତ୍ସବ ଅନୁଷ୍ଠିତ ହୋଇଯାଇଛି। ମୁଖ୍ୟ ଅତିଥି ଭାବେ ପୌରପାଳିକା ର ଅଧ୍ୟକ୍ଷା ସବିତା ସାହୁ ଯୋଗ ଦେଇ ଛାତ୍ରଛାତ୍ରୀମାନେ ଭଲ ପଢ଼ି ଜଣେ ଜଣେ ବଡ଼ ମଣିଷ ସାଙ୍ଗକୁ ଭଲ ମଣିଷ ହେବା ଆବଶ୍ୟକ ବୋଲି ସେ ତାଙ୍କ ବକ୍ତବ୍ୟରେ କହିଥିଲେ । ସ୍କୁଲ ର ଶିକ୍ଷକ ଓ ଶିକ୍ଷୟିତ୍ରୀ ମାନେ ଛାତ୍ରଛାତ୍ରୀମାନଙ୍କୁ ଉତ୍ତମ ନାଗରିକ ଭାବେ ଗଢିବା ପାଇଁ ପଦକ୍ଷେପ ନେବାକୁ ପରାମର୍ଶ ଦେଇଥିଲେ। ୧୪୩ ବର୍ଷ ର ପୁରାତନ ବିଦ୍ୟାଳୟ କୁ ଐତିହ୍ୟ ସ୍ଥଳୀର ମାନ୍ୟତା ମିଳିବା ଆବଶ୍ୟକ ବୋଲି ମୁଖ୍ୟ ଅତିଥି କହିଥିଲେ । ବିଦ୍ୟାଳୟ ର ମରାମତି ଲାଗି ଅର୍ଥ ମଂଜୁର କରାଯିବ ବୋଲି ଶ୍ରୀମତି ସାହୁ ଘୋଷଣା କରିଥିଲେ। ସମ୍ମାନିତ ଅତିଥି ଭାବେ ସମାଜସେବୀ ବିକ୍ରମ ପଣ୍ଡା ପିଲାଙ୍କ ମନ ମାଟି ପିଣ୍ଡୁଳା ଭଳି ସେମାନଙ୍କୁ ଯେମିତି ପିଲା ବେଳୁ ତିଆରି କରାଯିବ, ସେମାନେ ସେମିତି ଭାବେ ତିଆରି ହେବେ ବୋଲି ଉଲ୍ଲେଖ କରିଥିଲେ। ଭୁତପୂର୍ବ ରାଷ୍ଟ୍ରପତି ଡ଼. ଏପିଜେ ଅବଦୁଲ କଲାମ ଙ୍କ ପାଠ ପଢ଼ିବାର ମନୋବୃତ୍ତି, ନିଷ୍ଠା, ଅଧ୍ୟବସାୟ ଉପରେ ଆଲୋକପାତ କରିଥିଲେ। ଅନ୍ୟମାନଙ୍କ ମଧ୍ୟରେ ସି ଆର ସି ସି ଅନିତା ଦାସ, ଶିକ୍ଷକ ସଙ୍ଘ ପ୍ରତିନିଧି ଅରୁଣ କୁମାର ପାତ୍ର, ମାକଲପୁର ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଜୟନ୍ତୀ ପାଲ, ସମାଜସେବୀ ଭାଗବତ ସାହୁ,ଏସଏମସି ର ସଭାପତି ଅସଲମ ଖାନ, ଉପସଭାପତି ହୁମେରା ୟାସ୍ମିନ, ଫୈଜଲ ଅଲ୍ଲି, ହାଜି ଗୋଲାମ ଖାନ, ଶେଖ ମନୱର, ଶେଖ କାମିଲ,ଶେଖ ମୁକ୍ତାର, ଶେଖ ତାଜୁଦ୍ଦିନ,ଫିରୋଜ ଖାନ ପ୍ରମୁଖ ମଞ୍ଚାସୀନ ରହି ଉଦବୋଧନ ଦେଇଥିଲେ। ବିଦ୍ୟାଳୟ ର ପ୍ରଧାନ ଶିକ୍ଷୟିତ୍ରୀ ସୁମିତା କର ସଭା କାର୍ଯ୍ୟ ପରିଚାଳନା ସହିତ ବାର୍ଷିକ ବିବରଣୀ ପାଠ କରିଥିଲେ। ଅତିଥି ପରିଚୟ ପ୍ରଦାନ କରିଥିଲେ ଶିକ୍ଷୟତ୍ରୀ ସଗୁଫ୍ତା ପର୍ବିନ। ସଭାପରେ ଛାତ୍ରଛାତ୍ରୀମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା। ବିଭିନ୍ନ ପ୍ରତିଯୋଗିତାରେ କୃତିତ୍ୱ ଅର୍ଜନ କରିଥିବା ଛାତ୍ରଛାତ୍ରୀଙ୍କୁ ଏହି ଅବସରରେ ଅତିଥିଙ୍କ ଦ୍ୱାରା ପୁରସ୍କୃତ କରାଯାଇଥିଲା। କାର୍ଯ୍ୟକ୍ରମକୁ ସଫଳ କରିବାରେ ଶିକ୍ଷୟିତ୍ରୀ କୁମୁଦ କୁମାରୀ ସାଙ୍ଗା, ଫଇମିଦା ଖାତୁନ, ସଗୁଫ୍ତା ପର୍ବିନଙ୍କ ସମେତ ବିଦ୍ୟାଳୟ ପରିଚାଳନା କମିଟିର ସଦସ୍ୟ ଜାହେଦା ଖାତୁନ୍ , ଶେଖ୍ ୱାଜିଦ୍, ତବ୍ରେଜ୍ ଅଲି ଖାନ୍,ଦିଲଜାନ୍ ଖାନ୍,ପାପା ଖାନ୍ ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ।
