April 4, 2025

ଘୋଡାପଙ୍କା ଗାଁରେ ଡବଲ ମର୍ଡର , ଦମ୍ପତିଙ୍କୁ ବିଭତ୍ସ ହତ୍ୟା

Share

ଘୋଡାପଙ୍କା ଗାଁରେ ଡବଲ ମର୍ଡର , ଦମ୍ପତିଙ୍କୁ ବିଭତ୍ସ ହତ୍ୟା
ଘରେ ପଶି ସ୍ବାମୀକୁ ହତ୍ୟା ପରେ ସ୍ତ୍ରୀକୁ ହତ୍ୟା କଲେ ଦୁର୍ବୁତ୍ତ
ଗୁଣି ସନ୍ଦେହରେ ୭ ମାସ ତଳେ ହୋଇଥିଲା ଗୁଳିମାଡ଼
ମୋହନା (ଆପ୍ର) ଅନ୍ଧ ବିଶ୍ବାସର ଅନ୍ଧଗଳିରେ ଅମାନୁଷିକ କାଣ୍ଡ ଘଟାଇଲା ମଣିଷ l ଗୁଣିଗାରେଡ଼ି ସନ୍ଦେହରେ ଦମ୍ପତିଙ୍କୁ ଅତି ବିଭତ୍ସ ଭାବେ ହତ୍ୟା କରିଛନ୍ତି ଦୁର୍ବୃତ୍ତ l ଘରେ ପଶି ଯୁବକଙ୍କୁ ହତ୍ୟା କରିବା ପରେ ତାଙ୍କ ସ୍ତ୍ରୀ କୁ ବି ଛାଡିଲେନି ଦୁର୍ବୃତ୍ତ l ଟାଙ୍ଗିଆ, କଟୁରୀ ଆଦି ମାରଣାସ୍ତ୍ର ଦ୍ୱାରା ଆକ୍ରମଣରେ ଟଳି ପଡିଛନ୍ତି ଉଭୟ ସ୍ବାମୀ ଓ ସ୍ତ୍ରୀ l ଏଭଳି ଅଭାବନୀୟ ତଥା ଲୋମଟାଙ୍କୁରl ଘଟଣା ଘଟିଛି ଗଜପତି ଜିଲ୍ଲା ଅଡବା ଥାନା ଘୋଡ଼ାପଙ୍କା ଗାଁରେ l ସୋମବାର ରାତି ପ୍ରାୟ ୭ଟା ବେଳେ ଏହି ହତ୍ୟାକାଣ୍ଡ ଘଟିଛି। ମୃତକ ହେଲେ ସେହି ଗାଁର କପିଳେନ୍ଦ୍ର ମଲ୍ଲିକ(୪୫) ଓ ତାଙ୍କ ସ୍ତ୍ରୀ ଶଶିତl ମଲିକ(୪୦) l ଖବର ପାଇ ଅଡବା ଥାନା ପୋଲିସ ବିଳମ୍ୱିତ ରାତିରେ ଘୋଡ଼ାପଙ୍କl ଗାଁରେ ପହଞ୍ଚି ତଦନ୍ତ କରିଛନ୍ତି l ଆର.ଉଦୟଗିରି ଏସଡିପିଓ ଅଶ୍ଵିନୀ ନାୟକ, ଅଡବା ଥାନା ଅଧିକାରୀ ଶୁଭ୍ରାନ୍ତ ପଣ୍ଡା, ମୋହନା ଥାନା ଅଧିକାରୀ ବସନ୍ତ କୁମାର ସେଠୀ ପ୍ରମୁଖ ଘଟଣା ସ୍ଥଳରେ ପହଞ୍ଚି ଛlନବିନ କରିଛନ୍ତି l ପ୍ରାଥମିକ ତଦନ୍ତରୁ ଗୁଣି ସନ୍ଦେହରେ ଦମ୍ପତିଙ୍କୁ ହତ୍ୟା କରାଯାଇଥିବା ଏସଡିପିଓ ସୂଚନା ଦେଇଛନ୍ତି l ପୋଲିସ୍ ସୂତ୍ରରୁ ମିଳିଥିବା ସୂଚନା ପ୍ରକାରେ ସନ୍ଧ୍ୟା ପ୍ରାୟ ୭ ଟା ଘୋଡ଼ାପଙ୍କl ଗାଁରେ ସମସ୍ତେ ପ୍ରାୟ ଘରେ ଥିଲେ l ଏହି ସମୟରେ କପିଳେନ୍ଦ୍ର ଓ ତାଙ୍କ ପତ୍ନୀ ଶସିତl ଓ ମା କିରାମାଙ୍ଗl ମଲ୍ଲିକ ଘରେ ଥିଲେ l ସେତେବେଳେ କିଛି ଦୁର୍ବୃତ୍ତ ଅତର୍କିତ ଭାବେ ଘରେ ପଶି ମାରଣାସ୍ତ୍ରରେ ଆକ୍ରମଣ କରି କପିଳେନ୍ଦ୍ରକୁ କୁରାଢି, କlତି ଚୋଟ ପରେ ଚୋଟ ପକାଇଥିଲେ l ଘଟଣା ସ୍ଥଳରେ ହିଁ ତାଙ୍କର ମୃତ୍ୟୁ ଘଟିଥିଲା l ଦୁର୍ବୃତ୍ତ ମାନଙ୍କ ଠାରୁ ବର୍ତିବା ପାଇଁ ସ୍ତ୍ରୀ ଶସିତl ଅଟକାଇବାକୁ ଚେଷ୍ଟା କଲାବେଳେ ତାଙ୍କୁ ମଧ୍ୟ ମାରଣାସ୍ତ୍ରରେ ଆକ୍ରମଣ କରିଥିଲେ ଦୁର୍ବୃତ l ମୂମୂର୍ସୁ ଅବସ୍ଥାରେ ନିଜ ମା ଘର ଉପର ସାହି କୁ ଦୌଡ଼ି ପଳାଉଥିବା ବେଳେ ରାସ୍ତାରେ ରକ୍ତ ଯୁଡୁବୁଡୁ ଅବସ୍ଥାରେ ପଡ଼ିଥିଲେ ଶସିତl l ଖବର ପାଇ ଉପର ସାହିରେ ଥିବା ଶସିତl ଙ୍କ ଭଉଣୀ ଓ ପରିବାର ଲୋକେ ଆସି ଶସିତl ଙ୍କୁ ଉଠାଇ ଘରକୁ ନେବା ପରେ ସେଠାରେ ତାଙ୍କର ମୃତ୍ୟୁ ଘଟିଥିଲା । ତେବେ ମୃତ୍ୟୁ ପୁର୍ବରୁ ଆକ୍ରମଣ କରିଥିବା ଦୁଇ ଜଣ ଯୁବକଙ୍କ ନା ଶସିତl କହିଥିବା ତାଙ୍କ ଭଉଣୀ ଶାନ୍ତିମାଙ୍ଗl ମଲ୍ଲିକ ଓ ସରସ୍ୱତୀ ମଲ୍ଲିକ ପୋଲିସ କୁ ସୂଚନା ଦେଇଛନ୍ତି । ଖବରପାଇ ବିଳମ୍ବିତ ରାତିରେ ଅଡବା ଥାନା ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରିଛି। ଏହି ଘଟଣାରେ ଗାଁର ୧୬ ଜଣକୁ ଅଟକ ରଖି ତଦନ୍ତ ଚାଲିଥିବା ବେଳେ ହତ୍ୟାରେ ବ୍ୟବହୃତ କିଛି ମାରଣାସ୍ତ୍ର ଜବତ କରିଛି ପୋଲିସ l ଗତ ଫେବୃଆରୀ ମାସ ୧୧ ତାରିଖ ଦିନ ମଧ୍ୟ କପିଳେନ୍ଦ୍ରଙ୍କୁ ହତ୍ୟା ଉଦ୍ୟମ ହୋଇଥିଲା। ସେ ବାଇକ୍ ଯୋଗେ ମାମୁ ଘର ବୁଡିହୁରୁ ଗାଁରୁ ନିଜ ଗାଁ ଘୋଡ଼ାପଙ୍କl ଆସୁଥିବା ବେଳେ ତାଙ୍କୁ କେହି ପଛପଟୁ ଗୁଳିମାଡ଼ କରିଥିଲା। ସେତେବେଳେ ସେ ଗୁରୁତର ହୋଇ ଯାଇଥିଲେ। ତେବେ ଚିକିତ୍ସା ପରେ ସୁସ୍ଥ ହୋଇଥିଲେ। ସେତେବେଳେ ତାଙ୍କୁ ଗୁଣି ସନ୍ଦେହରେ ଆକ୍ରମଣ କରାଯାଇଥିବା ନେଇ କପିଳେନ୍ଦ୍ର ଥାନାରେ ଅଭିଯୋଗ କରିଥିଲେ l ସେହି ଦିନ ଠାରୁ ଭୟରେ କପିଳେନ୍ଦ୍ର ପରିବାର ସହ ଅଡବା ରେ ରହୁଥିଲେ। ଗତ ଦୁଇ ମାସ ହେଲା ଗାଁକୁ ଫେରି ଘରେ ରହୁଥିଲେ l ତାଙ୍କର ୩ ଟି ପୁଅ ବାହାରେ ରହି ପାଠ ପଢ଼ୁଛନ୍ତି l ଗୁଳି ମାଡ ଘଟଣାର ତଦନ୍ତ ଚାଲିଥିବା ବେଳେ ସୋମବାର ରାତିରେ ସଂଘବଦ୍ଧ ଆକ୍ରମଣ କରି ସ୍ୱାମୀ ସ୍ତ୍ରୀ ଙ୍କୁ ହତ୍ୟା କରାଯାଇଛି। ସାଇଣ୍ଟଫିକ ଟିମ ମଧ୍ୟ ଘଟଣା ସ୍ଥଳରେ ତଦନ୍ତ କରିଛି l ମୃତ ଶସିତl ଙ୍କ ଭଉଣୀ ଶାନ୍ତିମାଙ୍ଗl ଙ୍କ ଏତଲା ଅନୁଯାୟୀ ଅଡବା ଥାନାରେ ୧୪୨/୨୩ ରେ ମାମଲା ରୁଜୁ କରାଯାଇଛି ଦୁଇ ମୃତ ଦେହ ଜବତ କରି ବ୍ୟବଛେଦ ପାଇଁ ବ୍ରହ୍ମପୁର ପଠାଯାଇଥିଲା ।ପ୍ରାଥମିକ ତଦନ୍ତରୁ ଏହା ଗୁଣିଗାରେଡି ସନ୍ଦେହରୁ ହତ୍ୟାକାଣ୍ଡ ହୋଇଥିବା ବେଳେ ଖୁବ୍ ଶିଘ୍ର ଅଭିଯୁକ୍ତ ମାନଙ୍କୁ ଗିରଫ କରାଯିବ ବୋଲି ଏସଡିପିଓ ସୂଚନା ଦେଇଛନ୍ତି l