ଏନ୍ଏସି କ୍ଲଷ୍ଟର ସ୍ତରୀୟ “ମୋ ଗେହ୍ଲା ଝିଅ” କାର୍ଯ୍ୟକ୍ରମ…

ବୁଗୁଡ଼ା :  ସ୍ଥାନୀୟ କୃଷ୍ଣଶରଣପୁର ଅଙ୍ଗନୱାଡି କେନ୍ଦ୍ରରେ ବୁଗୁଡ଼ା ଏନଏସି କ୍ଲଷ୍ଟର ସ୍ତରୀୟ “ମୋ ଗେହ୍ଲା ଝିଅ” କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ଅଞ୍ଚଳ ପରିଦର୍ଶିକା କେ. ରଶ୍ମି ଯୋଗ ଦେଇ କନ୍ଯାରତ୍ନର ଯତ୍ନ ଏବଂ ଉଜ୍ଜ୍ବଳମୟ ଭବିଷ୍ୟତ ନିର୍ମାଣର ରୂପରେଖ ସମ୍ପର୍କେ ଆଲୋକପାତ କରିଥିଲେ । ଏ ଅବସରରେ ମାତା ବିଷ୍ଣୁପ୍ରିୟା ଗୌଡ଼ଙ୍କୁ ପ୍ରଶଂସା ପତ୍ର ପ୍ରଦାନ ପୂର୍ବକ ସମ୍ବର୍ଦ୍ଧିତ କରାଯିବା ସହ କନ୍ଯା ପ୍ରିୟା ଗୌଡ଼ଙ୍କୁ ପୋଷାକ, ମିଷ୍ଟାନ୍ନ ଓ ଚାରାଗଛଟିଏ ଦେଇ ତାଙ୍କର ସୁଉଜ୍ଜ୍ବଳ ଭବିଷ୍ୟତ ସାଙ୍ଗକୁ ଦୀର୍ଘାୟୁ କାମନା କରାଯାଇଥିଲା । ଉକ୍ତ କାର୍ଯ୍ୟକ୍ରମରେ ଏନ୍ଏସି ଅନ୍ତର୍ଗତ ୧୮ଟି କେନ୍ଦ୍ରର ସମସ୍ତ ଅଙ୍ଗନୱାଡି କର୍ମୀଙ୍କ ସମେତ ଅନ୍ୟାନ୍ୟ ଶିଶୁମାନଙ୍କ ମାଆମାନେ ଉପସ୍ଥିତ ରହିଥିଲେ ।