ଶେଷ କ୍ୱାଟର ଫାଇନାଲ, ଏସ ଏସ ଜି ସ୍ପୋର୍ଟିଙ୍ଗ କୁ ହରାଇ ଡିସିସି କନ୍ଧମାଳ ସେମିରେ…

ଅସ୍ତରଙ୍ଗ , ଅସ୍ତରଙ୍ଗ ମା ଶାରଳା ସ୍ପୋଟିଂ କ୍ଲବ ପକ୍ଷରୁ ନରେନ୍ଦ୍ର ଷ୍ଟାଡିୟମରେ ସୋମବାର ଶେଷ କ୍ୱାଟର ଫାଇନାଲ ରେ ଏସଏସଜି ସ୍ପୋର୍ଟିଙ୍ଗ ସୁନ୍ଦରଗ୍ରାମ ଏବଂ ଡିସିସି କନ୍ଧମାଳ ମଧ୍ୟରେ ଶେଷ କ୍ୱାଟର ଫାଇନାଲ ମ୍ୟାଚ ଅନୁଷ୍ଠିତ ହୋଇଯାଇଛି। ଏହି ମ୍ୟାଚ ରେ ଟସ ଜିତି ସୁନ୍ଦରଗ୍ରାମ ପ୍ରଥମେ ବ୍ୟାଟିଙ୍ଗ ନିଷ୍ପତି ନେଇ ନିର୍ଦ୍ଧାରିତ ୨୦ ଓଭରରେ ସମସ୍ତ ଉଇକେଟ ହରାଇ ୧୦୯ ରନ ସଂଗ୍ରହ କରିଥିଲା । ଦଳ ପକ୍ଷରୁ ଦିଲ୍ଲୀପ ରାଉତ ସର୍ବାଧିକ ୩୪ ରନ କରିଥିଲେ । ଏହାର ଜବାବରେ ଡିସିସି କନ୍ଧମାଳ ଦ୍ଵିତୀୟରେ ବ୍ୟାଟିଂ କରି ୬ଟି ଉଇକେଟ ହରାଇ ୧୧୩ ରନ କରି ୪ଉଇକେଟ ରେ ବିଜୟୀ ହୋଇଥିଲା। ବିଜୟୀ ଟିମ ର ଅମିତାଭ ରାଉତ ୩୦ବଲରେ ୫୧ରନ ସହିତ ଗୋଟେ ଉଇକେଟ ନେଇଥିବା ରୁ ତାଙ୍କୁ ମ୍ୟାନଅଫଦି ମ୍ୟାଚ ଘୋଷଣା କାରାଯାଇଥିଲା । ପ୍ରକାଶ ଚନ୍ଦ୍ର ବେହେରା ଏବଂ ବିଶେଷ ଆକର୍ଷଣ ଥିବା ଡ୍ୟାନସିଂ ଅଂପେୟାର ବବୁଲ ସାହୁ ଖେଳ ପରିଚାଳନା କରିଥିବା ବେଳେ ସାମ୍ବାଦିକ ନରେନ୍ଦ୍ର ଛାଟୋଇ, ବିଜୟ ବେହେରା, ସରପଞ୍ଚ ରାମଚନ୍ଦ୍ର କାଣ୍ଡି କ୍ଳବ ସଭାପତି ଯୁଗଳ ମହାନ୍ତି ଉପଦେଷ୍ଟା ଦିବାକର ଛାଟୋଇ ଙ୍କ ଦ୍ୱାରା ପୁରସ୍କାର ପ୍ରଦାନ କରାଯାଇଥିବା କ୍ଳବ ର ମିଡିଆ ସେଲ ସମ୍ପାଦକ ପବିତ୍ର ମହାନ୍ତି ଗଣମାଧ୍ୟମକୁ ସୂଚନା ଦେଇଛନ୍ତି।
(ଦୁଃଶାସନ ନାୟକ,ଅସ୍ତରଙ୍ଗ)