ରୋପ୍ୟ ଜୟନ୍ତୀ ଅବସରରେ ମିନି ମାରାଥନ୍ ଆୟୋଜିତ l

ମୋହନା,29/1- କିସ୍ ଓ କିଟ୍ ର ରୋପ୍ୟ ଜୟନ୍ତୀ ପାଳନ ଅବସରରେ ଗଜପତି ଜ଼ିଲ୍ଲା ମୋହନା ଠାରେ ଜ଼ିଲ୍ଲା ସ୍ତରୀୟ ମିନି ମାରାଥନ୍ ଅନୁଷ୍ଠିତ ହୋଇଯାଇଛି l କିସ୍ ର ଗଜପତି ଜ଼ିଲ୍ଲା ସଂଯୋଜକ ରାଜୀବ ମଳିକ ଙ୍କ ସଂଯୋଜନା ରେ ଆୟୋଜିତ ଏହି ମାରାଥନ୍ କାର୍ଯ୍ୟକ୍ରମ ରେ 200 ରୁ ଉର୍ଦ୍ଧ ଛାତ୍ର ଛାତ୍ରୀ ଏବଂ ସ୍ଥାନୀୟ ବୁଦ୍ଧିଜୀବୀ, ଜନପ୍ରତିନିଧି ଯୋଗ ଦେଇଥିଲେ l ସ୍ଥାନୀୟ ହିଲ୍ ଟପ୍ କଲେଜ ଛକ ରେ ଏକତ୍ରିତ ହେବାପରେ ମୋହନା ସମିତି ସଭ୍ୟ ବାଳକୃଷ୍ଣ ମଳିକ ମାରାଥନ୍ ର ଉଦଘାଟନ କରିଥିଲେ l ମୋହନା ସହର ମଧ୍ୟ ଦେଇ ପ୍ରତିଯୋଗୀ ମାନେ ଦୌଡିବା ବେଳେ ବିଭିନ୍ନ ସ୍ଥାନ ରେ ଲୋକେ ସେମାନଙ୍କୁ ଉତ୍ସହିତ କରିଥିଲେ l ଦୀର୍ଘ ଦୁଇ କିଲୋମିଟର ଅତିକ୍ରମ କରିବା ପରେ ମିନି ମାରାଥନ୍ ମୋହନା ହାଇସ୍କୁଲ ପଡିଆ ଠାରେ ପହଞ୍ଚିଥିଲା l ସେଠାରେ ଏକ ସାଧାରଣ ସଭା ର ଆୟୋଜନ କରାଯାଇଥିଲା, ଆୟୋଜିତ ସଭା ରେ ଜନଜାତି ସମାଜ ପାଇଁ କିସ୍, କିଟ୍ ଏବଂ ପ୍ରତିଷ୍ଠାତା ଡ଼. ଅଚ୍ୟୁତ ସାମନ୍ତ ଙ୍କ ଅବଦାନ କୁ ଭୁୟସୀ ପ୍ରଶଂସା କରାଯାଇଥିଲା l ପରେ ମାରାଥନ୍ ରେ ଅଂଶ ଗ୍ରହଣ କରିଥିବା ସମସ୍ତ ପ୍ରତିଯୋଗୀ ଙ୍କୁ ମାନପତ୍ର ସହ କିସ୍ ର ପ୍ରତୀକ ଥିବା କପ୍ ସେଟ୍ ପ୍ରଦାନ କରାଯାଇ ଉତ୍ସlହିତ କରାଯାଇଥିଲା l