କୁକୁଡ଼ାଖଣ୍ତିରେ ପୋଷାକ ବିତରଣ ଉତ୍ସବ

କୁକୁଡ଼ାଖଣ୍ତି ବ୍ଲକ ଅଧିନରେ ଥିବା ବିଜୁ ପଟ୍ଟନାୟକ ବାଳିକା ଉଚ୍ଚ ବିଦ୍ୟାଳୟ ପରିସରରେ ପୋଷାକ ବିତରଣ ଉତ୍ସବ ବୁଧବାର ଦିନ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଭାରତୀ ପଣ୍ଡାଙ୍କ ଅଧ୍ୟକ୍ଷତାରେ ୨୦୨୩-୨୪ ଶିକ୍ଷାବର୍ଷର ପୋଷାକ ବଣ୍ଟନ ଉତ୍ସବ ଅନୁଷ୍ଠୀତ ହୋଇଯାଇଛି I ଏଥିରେ
ମୁଖ୍ୟ ଅତିଥି ଭାବେ ସିଆରସିସି ହରେକୃଷ୍ଣ ଗୌଡ଼ ଯୋଗଦେଇ ରାଜ୍ୟ ଓ କେନ୍ଦ୍ର ସରକାରଙ୍କ ବିଭିନ୍ନ ଜନହିତକର ଯୋଜନା କିପରି ସରକାରୀ ବିଦ୍ୟାଳୟ ଗୁଡ଼ିକରେ କାର୍ଯ୍ୟକାରୀ ହେଉଛି ଏବଂ ମେଧାବୀ ଛାତ୍ରୀଙ୍କୁ ଶିକ୍ଷା ପ୍ରତି ଆକୃଷ୍ଟ କରିବା ପାଇଁ ପୋଷାକ ବଣ୍ଟନ ପରି ବିଭିନ୍ନ କାର୍ଯ୍ୟକ୍ରମ ସରକାରଙ୍କୁ ଲୋକାଭିମୁଖୀ କରୁଛି ତତ୍ ସହିତ କିପରି ଭଲ ପାଠ ପଢିବା ଦ୍ୱାରା ଭଲ ମଣିଷ ଟିଏ ହୋଇ ନିଜ ବିଦ୍ୟାଳୟ ସମେତ ଗ୍ରାମର ନାମକୁ ମଧ୍ୟ ସାରା ଦୁନିଆରେ ପରିଚୟ ସୃଷ୍ଟି କରିପାରିବ ସେହି ବିଷୟରେ ଛାତ୍ରୀ ମାନଙ୍କୁ ଉପଦେଶ ଦେଇଥିଲେ I ଅନ୍ୟମାନଙ୍କ ମଧ୍ୟରେ ବିଭୁତି ପ୍ରଧାନ,ଶିବ ପ୍ରିୟା ରାଉତ, ସଂଯୁକ୍ତା ସାହୁ, ଜଗନ୍ନାଥ ଜେନା, ସୁନୀଲ ଚନ୍ଦ୍ର ପାତ୍ର,ମମିତା ପାଢ଼ୀ, ଟୁନା ପଣ୍ଡା, ରଜତ କୁମାର ଜେନା, ଶଙ୍କର୍ଷଣ ଆଚାରୀଙ୍କ ସମେତ ବହୁ ଶିକ୍ଷକ ଓ ଶିକ୍ଷୟିତ୍ରୀ ମାନେ ଉକ୍ତ କାର୍ଯ୍ୟକ୍ରମକୁ ସୁଚାରୁ ରୂପେ ସମ୍ପାଦନା କରିଥିଲେ । କୁକୁଡ଼ାଖଣ୍ତି ରୁ ପି.କୃଷ୍ଣମୂର୍ତ୍ତି ରିପୋର୍ଟ