ସାନ ଭାଇକୁ ଆକ୍ରମଣ କରି ବଡ ଭାଇ ଗିରଫ

ସାନ ଭାଇକୁ ଆକ୍ରମଣ କରି ବଡ ଭାଇ ଗିରଫ
ବୁଗୁଡ଼ା : ତା ୨୮/୦୫/୨୩ : ବୁଗୁଡ଼ା ଥାନା ବାଲିପଦର ଫାଣ୍ଡି ଅନ୍ତର୍ଗତ ଏ.କରଡ଼ାବାଡ଼ି ଗ୍ରାମରେ ସାନ ଭାଇକୁ ଆକ୍ରମଣ ଅଭିଯୋଗରେ ବଡ ଭାଇ ଗିରଫ ହୋଇ କୋର୍ଟ ଚାଲାଣ ହୋଇଥିବା ଜଣାଯାଇଛି । ଗିରଫ ବଡ ଭାଇ ଜଣକ ହେଲେ କାହ୍ନୁ ଚରଣ ପାଢୀ ଏବଂ ଅଭିଯୋଗକାରୀ ସାନ ଭାଇ ଜଣକ ହେଲେ ରାମ ଚନ୍ଦ୍ର ପାଣିଗ୍ରାହୀ । ଏ ନେଇ ବୁଗୁଡା ଥାନାରେ କେସ୍ ନଂ ୩୫୮/୨୩ ରେ ଏକ ମାମଲା ରୁଜୁ ହୋଇଥିବା ଆଇଆଇସି ଚିତ୍ତରଞ୍ଜନ ବେହେରାଙ୍କ ଠାରୁ ପ୍ରକାଶ ପାଇଛି । ପ୍ରକାଶ ଯେ , ଘରର ସମ୍ପତ୍ତିକୁ କେନ୍ଦ୍ର କରି ଦୁଇ ଭାଇ କାହ୍ନୁ ଓ ରାମ ମଧ୍ୟରେ ବଚସା ହୋଇଥିଲା । ବଚସା ତୀବ୍ରତର ହେବାରୁ ବଡ ଭାଇ କାହ୍ନୁ ଉତକ୍ଷିପ୍ତ ହୋଇ ସାନ ଭାଇ ରାମକୁ କବାଟ ଗେଡାରେ ଆକ୍ରମଣ କରିଥିଲେ । ଆକ୍ରମଣରେ ରାମର ମୁଣ୍ଡ ଫାଟିଯାଇ ପ୍ରବଳ ରକ୍ତସ୍ରାବ ହୋଇଥିଲା । ଏ ନେଇ ରାମ ବାଲିପଦର ଫାଣ୍ଡିରେ ଅଭିଯୋଗ କରିଥିଲେ ।