କ୍ଷତ୍ରିୟବରପୁର ଆଞ୍ଚଳିକ ମହାବିଦ୍ୟାଳୟ କର୍ମଚାରୀଙ୍କ ଅକାଳ ବିୟୋଗରେ ଶୋକସଭା…

ବେଲଗୁଣ୍ଠା,  ବେଲଗୁଣ୍ଠା ବ୍ଳକ୍ କ୍ଷତ୍ରିୟବରପୁର ସ୍ଥିତ ଆଞ୍ଚଳିକ ସ୍ନାତକ ମହାବିଦ୍ୟାଳୟର ଚତୁର୍ଥ ଶ୍ରେଣୀ କର୍ମଚାରୀ ନାରାୟଣ ଗୌଡ଼ଙ୍କ ଅକାଳ ବିୟୋଗରେ ମହାବିଦ୍ୟାଳୟରେ ଶୋକସଭା ପାଳନ କରାଯାଇଛି I ବରିଷ୍ଠ ଅଧ୍ୟାପକ ରାମଚନ୍ଦ୍ର ମହାନ୍ତିଙ୍କ ଅଧ୍ୟକ୍ଷତାରେ ଅନୁଷ୍ଠିତ ଶୋକ ସଭାରେ ମହାବିଦ୍ୟାଳୟର ସମସ୍ତ ଅଧ୍ୟାପକ ଅଧ୍ୟାପିକା, କର୍ମଚାରୀ ଏବଂ ଛାତ୍ରଛାତ୍ରୀ ଉପସ୍ଥିତ ରହି ସ୍ଵର୍ଗତ ନାରାୟଣଙ୍କ ପାଇଁ ଦୁଇ ମିନିଟ୍ ନୀରବ ପ୍ରାର୍ଥନା କରିବା ସହିତ ତାଙ୍କର ସ୍ମୃତି ଚାରଣ କରିଥିଲେ I ସ୍ଵର୍ଗତ ନାରାୟଣ ଜଣେ ମେଳାପୀ ଏବଂ କର୍ମଠ କର୍ମଚାରୀ ଭାବେ ନିଜର ଦାୟିତ୍ୱ ସମ୍ପନ୍ନ କରୁଥିବା ବେଳେ ଅନୁଷ୍ଠାନର ଛାତ୍ରଛାତ୍ରୀ ଏବଂ କର୍ମଚାରୀଙ୍କ ସହ ଉତ୍ତମ ସମ୍ପର୍କ ରଖି ସମସ୍ତଙ୍କର ପ୍ରିୟ ନାରାୟଣ ଭାଇନା ଭାବରେ ବେଶ୍ ପରିଚିତ ଥିଲେ I ନାରାୟଣଙ୍କ ଅକାଳ ବିୟୋଗ ମହାବିଦ୍ୟାଳୟ ପାଇଁ ଏକ ଅପୂରଣୀୟ କ୍ଷତି ବୋଲି ମହାବିଦ୍ୟାଳୟ ଅଧ୍ୟାପକ,ଅଧ୍ୟାପିକା ଏବଂ କର୍ମଚାରୀ ନିଜ ନିଜର ଶୋକ ବକ୍ତବ୍ୟରେ ପ୍ରକାଶ କରିଥିଲେ I ପ୍ରକାଶ ଥାଉକି ନାରାୟଣ କିଛି ଦିନ ଧରି ଅସୁସ୍ଥ ଥିବାବେଳେ ଆଜି ଭୋର୍ ତିନି ଘଣ୍ଟା ସମୟରେ ଯାତ୍ରାଶୁଣି ସ୍ଥିତ ନିଜ ବାସଭବନରେ ସେ ପ୍ରାଣତ୍ୟାଗ କରିଥିଲେ l ମୃତ୍ୟୁ ବେଳକୁ ନାରାୟଣଙ୍କୁ 49 ବର୍ଷ ବୟସ ହୋଇଥିଲା I