ମହିଳା କଲେଜରେ ୭୬ ତମ ସାଧାରଣ ତନ୍ତ୍ର ପାଳିତ..
ବୁଗୁଡ଼ା/୨୭/୦୨/ଶ୍ରୀ ବଳଦେବଜୀଉ ମହିଳା ଉଚ୍ଚମାଧ୍ୟମିକ ବିଦ୍ୟାଳୟ ଠାରେ ଆଜି ୭୬ ତମ ସାଧାରଣତନ୍ତ୍ର ଦିବସ ପାଳିତ ହୋଇଯାଇଛି। ଅନୁଷ୍ଠାନର ଅଧ୍ୟକ୍ଷ ମନୋଜ କୁମାର ସ୍ଵାଇଁ ପତାକା ଉତ୍ତୋଳନ କରିଥିବା ବେଳେ ବୁଗୁଡ଼ା ଚ୍ୟାମ୍ବର ଅଫ୍ କମର୍ସ ର ସଭାପତି ତଥା ସମାଜ ସେବକ ସତ୍ୟନାରାୟଣ ଦାଶ ମୁଖ୍ୟ ଅତିଥି ଭାବେ ଯୋଗଦାନ କରିଥିଲେ। ୨୦୨୪ ମସିହାରେ ଶ୍ରୀ ବଳଦେବଜୀଉ ଉଚ୍ଚମାଧ୍ୟମିକ ବିଦ୍ୟାଳୟ ରେ ବାର୍ଷିକ ପରୀକ୍ଷାରେ ସର୍ବାଧିକ ୪୯୫ ନମ୍ବର ରଖି ପ୍ରଥମ ତଥା ବ୍ଳକ୍ ସ୍ତରରେ ଦ୍ଵିତୀୟ ସ୍ଥାନ ହାସଲ କରିଥିବା ଅନୁଷ୍ଠାନ ର ଛାତ୍ରୀ ସୁଶ୍ରୀ ମୀରାବାଇ ପାତ୍ରଙ୍କୁ ଚ୍ୟାମ୍ବର ଅଫ୍ କମର୍ସ ପକ୍ଷରୁ ସଭାପତି ସତ୍ୟନାରାୟଣ ଦାଶ ସମ୍ମାନପତ୍ର ଉପଢ଼ୌକନ ଓ ଟ୍ରଫି ପ୍ରଦାନ କରିଥିଲେ । କ୍ରୀଡ଼ା ଶିକ୍ଷକ ସତ୍ୟଶ୍ରୀ କୁମାର ଜେନା ଛାତ୍ରୀ ମାନଙ୍କୁ ପ୍ୟାରେଡ୍ ଅନୁଷ୍ଠିତ କରାଇଥିଲେ । ବରିଷ୍ଠ ଅଧ୍ୟାପକ ବିଭୂତି ଭୂଷଣ ମିଶ୍ର ତାହାଙ୍କ ବକ୍ତବ୍ୟ ରେ ସାଧାରଣତନ୍ତ୍ର ଦିବସ ପାଳନର ଆଭିମୁଖ୍ୟ ସମ୍ପର୍କରେ ନିଜ ମତ ପ୍ରକାଶ କରିଥିଲେ। ଅଧ୍ୟାପକ ଅନିଲ କୁମାର ପାଣିଗ୍ରାହୀ ଭାରତୀୟ ସମ୍ବିଧାନ ସମ୍ପର୍କରେ ନିଜ ବକ୍ତବ୍ୟ ପ୍ରଦାନ କରିଥଲେ।ଉକ୍ତ କାର୍ଯ୍ୟକ୍ରମରେ ଅନୁଷ୍ଠାନର ସମସ୍ତ କର୍ମଚାରୀ ଓ ଛାତ୍ରୀ ମାନେ ଉପସ୍ଥିତ ଥିଲେ ପରିଶେଷରେ ସନ୍ତୋଷ କୁମାର ଗ୍ରୌଡ଼ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।
