ମୋହନା ସରସ୍ୱତୀ ଶିଶୁ ବିଦ୍ୟାମନ୍ଦିରରେ ଜନ୍ମାଷ୍ଟମୀ 

ମୋହନା,ଗଜପତି ଜିଲ୍ଲା ମୋହନା ସରସ୍ବତୀ ଶିଶୁ ବିଦ୍ୟାମନ୍ଦିରରେ ଜନ୍ମାଷ୍ଟମୀ ଉତ୍ସବ ଧୂମଧାମର ସହ ପାଳିତ ହୋଇଯାଇଛି l ଶିଶୁ ମନ୍ଦିର ପରିସରରେ ପୂଜାର୍ଚନା ପରେ ଛାତ୍ର ଛାତ୍ରୀ ମାନେ ରାଧା, କୃଷ୍ଣ , ବଳରାମ ଓ ସୁଦାମା ବେଶ ଧାରଣ କରି ବଜାର ପରିକ୍ରମା କରିଥିଲେ l ଏହା ପରେ ସ୍ଥାନୀୟ ଜଗନ୍ନାଥ ମନ୍ଦିର ସମ୍ମୁଖରେ ଛାତ୍ର ଛାତ୍ରୀ ମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ଆଜିର ଦିନରେ ଭଗବାନ ଶ୍ରୀକୃଷ୍ଣ ଅଧର୍ମର ବିନାଶ ପାଇଁ ଧରାବତରଣ କରିଥିଲେ l ଏଥିସହ ଏହି ଦିନ ବିଶ୍ବହିନ୍ଦୁ ପରିଷଦ ସ୍ଥାପନ ହୋଇଥିବା ବେଳେ ବେଦାନ୍ତ କେଶରୀ ସ୍ବାମୀ ଲକ୍ଷ୍ମଣାନନ୍ଦ ସରସ୍ବତୀଙ୍କ ବଳିଦାନ ଦିବସ ଭାବେ ମଧ୍ଯ ପାଳନ କରାଯାଉଛି ବୋଲି କାର୍ଯ୍ୟକ୍ରମରେ ଉପସ୍ଥିତ ଥିବା ଶିଶୁ ମନ୍ଦିର ର ଉପଦେଷ୍ଟା ପ୍ରକାଶ କରିଛନ୍ତି l ପ୍ରତିବର୍ଷ ଜନ୍ମାଷ୍ଟମୀ ରେ ଶିଶୁ ବିଦ୍ୟା ମନ୍ଦିରରେ ଭଗବାନ ଶ୍ରୀକୃଷ୍ଣ ଙ୍କ ପୂଜାର୍ଚନା କରିବା ସହ ଏଭଳି ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥାଏ l ପ୍ରଧାନ ଆଚାର୍ଯ୍ୟl ଆରତୀ ପାଢ଼ୀଙ୍କ ସଂଯୋଜନାରେ ଆୟୋଜିତ କାର୍ଯ୍ୟକ୍ରମ ରେ ବହୁ ଅବିଭାବକ ଯୋଗ ଦେଇଥିବା ବେଳେ ସମସ୍ତ ଗୁରୁଜୀ ଗୁରୁମା ଏହି କାର୍ଯ୍ୟକ୍ରମକୁ ସୁପରିଚାଳନା କରିଥିଲେ l