ବିଭିନ୍ନ ବିଦ୍ୟାଳୟ କୁ ପଟ୍ଟା ପ୍ରଦାନ କରିବାରେ ଗୁଣୁପୁର ତହସିଲ ପ୍ରଥମ

ଗୁଣୁପୁର,-(ସୁରେନ୍ଦ୍ର ମହାନ୍ତି )ସରକାର ପିଲାଙ୍କ ପାଠପଢା ନିମନ୍ତେ ବିଭିନ୍ନ ସ୍ଥାନରେ ବିଦ୍ୟାଳୟ ମାନ ଖୋଲିଦେଲେ । ହେଲେ କୌଣସି ବିଦ୍ୟାଳୟ ର ଖାତା ଖତିଆନ ସଠିକ ଭାବରେ ନଥିଲା । ସମଗ୍ର ରାୟଗଡା ଜିଲ୍ଲାରେ ଗୁଣୁପୁର ତହସିଲ ଏକ୍ଷେତ୍ରରେ ଉଲ୍ଲେଖନୀୟ କାର୍ଯ୍ୟ କରି ସର୍ବାଧିକ ବିଦ୍ୟାଳୟ କୁ ସ୍ଥାୟୀ ପଟ୍ଟା ଯୋଗାଇ ଦେବାରେ ପ୍ରଥମ ସ୍ଥାନ ଅଧିକାର କରିଛି । ସେହିଭଳି ରାଜସ୍ୱ ଆଦାୟ, ଜମିଜମା ସମସ୍ୟାର ସମାଧାନ କ୍ଷେତ୍ରରେ ମଧ୍ୟ ଭଲ କାର୍ଯ୍ୟ ସମ୍ପାଦନ କରିଛି । ଏଥିପାଇଁ ଜିଲ୍ଲା ପ୍ରଶାସନ ପକ୍ଷରୁ ରାୟଗଡା ଜିଲ୍ଲାପାଳ ସ୍ୱଧା ଦେବ ସିଂ ଗୁଣୁପୁର ତହସିଲଦାର ଶରତ ଚନ୍ଦ୍ର ନାୟକ ଙ୍କୁ ପୁରସ୍କୃତ କରିଛନ୍ତି । ଏହି ପୁରସ୍କାର ପାଇବା ଦ୍ୱାରା ଭଲକାର୍ଯ୍ୟ ସମ୍ପାଦନ କରିବା ପାଇଁ ଆହୁରି ଅଧିକ ଉତ୍ସାହିତ ହୋଇ କାର୍ଯ୍ୟ ସମ୍ପାଦନ କରିବି ବୋଲି ଶ୍ରୀ ନାୟକ କହିଛନ୍ତି ।