ପରିବେଶ ସୁରକ୍ଷା ପାଇଁ ମହାନଦୀ ଯୁବ ସଙ୍ଗଠନ ତରଫରୁ ସଚେତନତା ଶିବିର ଅନୁଷ୍ଠିତ

ପରିବେଶ ସୁରକ୍ଷା ଅଭିଯାନ ମାଧ୍ୟମରେ ମହାନଦୀ ଯୁବ ସଙ୍ଗଠନ ତରଫରୁ ଗାୟତ୍ରୀ ଆବାସିକ ଶିକ୍ଷା ନିକେତନ, ରଥପୁର, ବୀରମହାରାଜପୁର ରେ ଏକ ସଚେତନତା ଶିବିର ଅନୁଷ୍ଠିତ ହୋଇଯାଇଛି l ଶ୍ରୀ ପଙ୍କଜ ଖମାରି ଙ୍କ ସଭାପତିତ୍ୱ ରେ ଅନୁଷ୍ଠିତ ଶିବିରରେ କଳାପଥର ସରପଞ୍ଚ ଶ୍ରୀମତୀ ସସ୍ମିତା ମେହେର ମୁଖ୍ୟ ଅତିଥି ଭାବେ ଯୋଗଦାନ କରିଥିବାବେଳେ ସଭାରେ ଅନ୍ୟତମ ବକ୍ତା ଭାବେ ଶିକ୍ଷକ ଅଶେଷ ମହାକୁର ମଂଚାସୀନ ଥିବାବେଳେ ସମସ୍ତ ଛାତ୍ରଛାତ୍ରୀ ଓ ଶିକ୍ଷକ ମାନେ ଉପସ୍ଥିତ ଥିଲେ l ଏହି କାର୍ଯ୍ୟକ୍ରମ ରେ ମହାନଦୀ ସଙ୍ଗଠନର ପ୍ରତିଷ୍ଠାତା ଶ୍ରୀଯୁକ୍ତ କ୍ଷିର ସାଗର ବିଭାର ଜଳ ପ୍ରଦୂଷଣ,ଚାରା ରୋପଣ ସହ ପଲିଥିନ ବ୍ୟବହାର ର ବନ୍ଦ କରିବା ସହ ପାଣି ପିଇବା ପରେ ଫିଙ୍ଗା ଯାଉଥିବା ବୋତଲ କୁ ଗୋଟାଇ ତା ଭିତରେ ଅଦରକାରୀ ପଲିଥିନ ଭରି ବ୍ରିକ୍ସ କରି ବିଭିନ୍ନ ଖେଳଣା ଓ ସାଜସଜ୍ଜା ସହ ଇକୋ ପାର୍କ ନିର୍ମାଣ କରିବା ନେଇ ଛାତ୍ରଛାତ୍ରୀ ମାନଙ୍କୁ ପ୍ରବାର୍ତ୍ତାଇଥିଲେ l ତେବେ ମହାନଦୀ ସଙ୍ଗଠନର ଏଭଳି ପ୍ରୟାସ ଓ ସଚେତନତା କୁ ବିଭିନ୍ନ ମହଲ ରେ ବେଶ ପ୍ରଶଂସା କରାଯାଇଛି l
ସୁବର୍ଣ୍ଣପୁର ରୁ ସୁଶାନ୍ତ ସାହୁ