ସମସ୍ତଙ୍କ ପ୍ରିୟ ପ୍ରମୋଦ ସାର୍ ଙ୍କ ପରଲୋକ 

ବେଲଗୁଣ୍ଠା,24/12, ଗାଙ୍ଗପୁର,କ୍ଷତ୍ରିୟବରପୁର ଏବଂ ଗୋବରା ଅଞ୍ଚଳରେ ଛାତ୍ରଛାତ୍ରୀଙ୍କ ପ୍ରମୋଦ ସାର୍ ଭାବେ ପରିଚିତ ବେଲଗୁଣ୍ଠା ବ୍ଲକ କ୍ଷେତ୍ରୀୟବରପୁର ଶାସନ ଗ୍ରାମର ଅବସରପ୍ରାପ୍ତ ଶିକ୍ଷକ ପ୍ରମୋଦ ଚନ୍ଦ୍ର ଶତପଥିଙ୍କ 83 ବର୍ଷ ବୟସରେ ପରଲୋକ ଘଟିଛି I ସ୍ଵର୍ଗତ ଶତପଥି ଗାଙ୍ଗପୁର ପ୍ରାଥମିକ ବିଦ୍ୟାଳୟରୁ ଶିକ୍ଷକତା ଆରମ୍ଭ କରି ସେଠାରେ ଦୀର୍ଘ ବର୍ଷ କାର୍ଯ୍ୟ କରିବା ପରେ ବରପଲ୍ଲୀ ପ୍ରାଥମିକ ବିଦ୍ୟାଳୟରୁ ପ୍ରଧାନଶିକ୍ଷକ ରୂପେ 1999 ମସିହାରେ ଅବସର ଗ୍ରହଣ କରିଥିଲେ I ସ୍ଵର୍ଗତ ଶତପଥି ଜଣେ ଜ୍ଞାନୀ ଏବଂ ଛାତ୍ରବତ୍ସଳ ଶିକ୍ଷକ ଭାବେ ଛାତ୍ରଛାତ୍ରୀଙ୍କ ଗହଣରେ ଆଦରଣୀୟ ହୋଇପାରିଥିଲେ I ବିଶେଷ କରି ବିଦ୍ୟାଳୟକୁ ପ୍ରଥମ କରି ଆସୁଥିବା କୁନି କୁନି ଶିଶୁ ମାନଙ୍କୁ ସ୍ନେହ ମମତା ଡୋରିରେ ବାନ୍ଧି ରଖିବାରେ ସେ ସିଦ୍ଧ ହସ୍ତ ଥିଲେ I ଏହା ସହିତ ସ୍ଵର୍ଗତ ଶତପଥି ଜଣେ ଜଣାଶୁଣା ଆଦର୍ଶ ପୁରୋହିତ ଭାବେ ଅଞ୍ଚଳରେ ବେଶ୍ ପରିଚିତ ଥିଲେ I l ଗୋବରା ଅଂଚଳର ବହୁ ଗ୍ରାମରେ ପୁରୋହିତ ରୂପେ ସମସ୍ତ ଆଧ୍ୟାତ୍ମିକ କାର୍ଯ୍ୟକ୍ରମ ତାଙ୍କର ଯୋଗଦାନ ଗୁରୁତ୍ୱପୂର୍ଣ ଥିଲା lଆଜି ସକାଳ 12 ଘଣ୍ଟ ସମୟରେ କ୍ଷତ୍ରିୟବରପୁର ସ୍ଥିତ ନିଜ ବାସଗୃହ ଠାରେ ଦେହତ୍ୟାଗ କରିଥିଲେ l ମୁତ୍ୟୁ ସମୟରେ ପୁଅ ତପନ, ଅଜିତ,ରଂଜିତ ଝିଅ ତ୍ରିପୁରା, ଜଲ୍ଲୀ ,ସ୍ତ୍ରୀ ମିନତୀ , ଜ୍ୱାଇଁ , ନାତିନାତୁଣୀ ଉପସ୍ଥିତ ଥିଲେ l ପୁରୀ ସ୍ଵର୍ଗଦ୍ଵାର ଠାରେ ସ୍ଵର୍ଗତ ଶତପଥୀଙ୍କ ଶେଷକୃତ୍ୟ ସମ୍ପନ୍ନ ହୋଇଥିଲା I ବଡପୁଅ ତପନ ମୁଖାଗ୍ନି ଦେଇଥିଲେ l ସ୍ଵର୍ଗତ ଶତପଥିଙ୍କ ମୃତ୍ୟୁ ଖବର ପ୍ରଚାରିତ ହେବା ପରେ ସମଗ୍ର ଗୋବରା, ଗାଙ୍ଗପୁର ଏବଂ କ୍ଷତ୍ରିୟବରପୁର ଅଞ୍ଚଳରେ ଶୋକର ଛାୟା ଖେଳି ଯାଇଛି I ସ୍ଵର୍ଗତ ଶତପଥିଙ୍କ ବହୁ ଛାତ୍ରଛାତ୍ରୀ, ଯଜମାନ ଏବଂ ଅଞ୍ଚଳର ବହୁ ମାନ୍ୟଗଣ୍ୟ ବ୍ୟକ୍ତି ଗଭୀର ଶୋକ ବ୍ୟକ୍ତ କରିଛନ୍ତି I

ଵେଲଗୁଣ୍ଟା, ରିପୋର୍ଟ ପଞ୍ଚାନନ, ସାହୁ