ବୁଗୁଡ଼ା ବିଜେଡିର ବନ୍ଧୁ ମିଳନ କାର୍ଯ୍ଯକ୍ରମ , ଆଗାମୀ ନିର୍ବାଚନ ପାଇଁ ପ୍ରସ୍ତୁତ ରହିବାକୁ ଶ୍ରୀକାନ୍ତଙ୍କ ଆହ୍ବାନ…

ବୁଗୁଡ଼ା : ବୁଗୁଡ଼ା ବ୍ଲକର ଅନ୍ତରପଡା ଗାମସ୍ଥିତ ମା’ ଶାଙ୍କୁଳାଈ ମନ୍ଦିର ପ୍ରାଙ୍ଗଣରେ ନୂତନ ବର୍ଷ-୨୦୨୪ ଉପଲକ୍ଷେ ବିଜୁ ଜନତା ଦଳ ପକ୍ଷରୁ ଏକ ବନ୍ଧୁ ମିଳନ କାର୍ଯ୍ଯକ୍ରମ ଅନୁଷ୍ଠିତ ହୋଇଯାଇଛି । ଏଥିରେ ପୋଲସରା ବିଧାୟକ ଶ୍ରୀକାନ୍ତ ସାହୁଙ୍କ ସମେତ ବ୍ଲକ ଅଧ୍ୟକ୍ଷା କେ.ପ୍ରିୟଦର୍ଶିନୀ ଆଚାରୀ ଓ ଉପାଧ୍ୟକ୍ଷ ମାନସ ରଞ୍ଜନ ପ୍ରଧାନ , ଏନଏସି ଅଧ୍ୟକ୍ଷ ଚିତ୍ରସେନ ପ୍ରଧାନ ଓ ଉପାଧ୍ୟକ୍ଷା ଗିତାଞ୍ଜଳୀ ପାଢୀ , ବ୍ଲକ ବିଜେଡି ସଭାପତି ମଦନ ଗୋପାଳ ଦୋରା ଓ ଏନ୍ଏସି ସଭାପତି କେ.ତ୍ରିଲୋଚନ ଦୋରା , ବ୍ଲକ ସଭାନେତ୍ରୀ ଜ୍ଯୋତ୍ସ୍ନାମୟୀ ଗୌଡ, ଏନ୍ଏସି ସଭାନେତ୍ରୀ ମନ୍ଦାକିନୀ ସାହୁ , ଜିଲ୍ଲା ପରିଷଦ ସଦସ୍ୟ ଗଙ୍ଗାପାଣି ଜେନା , ସଦସ୍ଯା ଚାନ୍ଦିନୀ ନାୟକ ଓ ସମିତା ସ୍ବାଇଁ , ଅନ୍ତରପଡା ପଞ୍ଚାୟତ ସରପଞ୍ଚ ବସନ୍ତ କୁମାର ଶତପଥି , ଖୋଳଖାଳି ପଞ୍ଚାୟତ ନାଏବ ସରପଞ୍ଚ ପ୍ରମୋଦ କୁମାର ପଣ୍ଡା , ଧରଣୀଧର ପଣ୍ଡାଙ୍କ ସମେତ ବହୁ ସଂଖ୍ୟକ ଦଳୀୟ କର୍ମକର୍ତ୍ତା ଓ ଜନପ୍ରତିନିଧି ଏବଂ ହଜାର ହଜାର କର୍ମୀ ଉପସ୍ଥିତ ରହିଥିଲେ । ସମ୍ପ୍ରତିକ ନିର୍ବାଚନୀ ଉଷ୍ମତା ବୃଦ୍ଧି ପରିପ୍ରେକ୍ଷୀରେ ପୋଲସରା ବିଧାୟକ ନିଜର ବକ୍ତବ୍ୟ କାଳରେ ଚଳିତ ବର୍ଷର ସଧାରଣ ନିର୍ବାଚନରେ ପୁଣି ଦଳୀୟ ଟିକେଟ ହାତେଇବାର ଦୃଢୋକ୍ତି ପ୍ରକାଶ କରିବା ସହ ଅଯଥାରେ ଦିବାସ୍ୱପ୍ନରେ ବିଭୋର ନହୋଇ ଦଳୀୟ ସଂଗଠନକୁ ମଜବୁତ୍ କରିବା ଦିଗରେ ଧ୍ୟାନ ଦେବାକୁ ପରାମର୍ଶ ଦେଇଥିଲେ । ଏ ଅବସରରେ ଆୟୋଜିତ ଭଜନ ସମାରୋହ କାର୍ଯ୍ୟକ୍ରମକୁ ସମସ୍ତେ ମନଭରି ଉପଭୋଗ କରିଥିଲେ ।