ନବ ନିଯୁକ୍ତ କନିଷ୍ଠ ଶିକ୍ଷକ, ଶିକ୍ଷୟିତ୍ରୀଙ୍କୁ ସ୍ୱାଗତ ସମ୍ବର୍ଦ୍ଧନା 

ଉମରକୋଟ:-(ଏମ୍ ଦିନା°ଶୁ ଆଚାରୀ) ଉମରକୋଟ ବ୍ଲକ ଅନ୍ତର୍ଗତ ବେହେଡା କ୍ଲଷ୍ଟରର ନବ ନିଯୁକ୍ତ କନିଷ୍ଠ ଶିକ୍ଷକ / ଶିକ୍ଷିକା ଙ୍କୁ ଆଞ୍ଚଳିକ ସାଧନ କେନ୍ଦ୍ର ତରଫରୁ ସ୍ୱାଗତ ସମ୍ବର୍ଦ୍ଧନା ପ୍ରଦାନ କରାଯାଇଛି l ସିଆରସିସି ବିଷ୍ଣୁ ପ୍ରସାଦ ସାହୁଙ୍କ ସଭାପତିତ୍ୱରେ ସରକାରୀ ପ୍ରାଥମିକ ବିଦ୍ୟାଳୟ, ଫୁଲଝରି ଠାରେ ଏକ ଭବ୍ୟ କାର୍ଯ୍ୟକ୍ରମର ଆୟୋଜନ କରାଯାଇଥିଲା l ସଞ୍ଜୟ କୁମାର ସାମଲ,ଫନିନ୍ଦ୍ର ଗାଇନ, ବିମଲ କୁମାର ବାରୋଇ, ଟୁଟୁବାବୁ ପଟ୍ଟନାୟକ ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ l ବିରଞ୍ଚି ସୁନାନୀ ସ୍ୱାଗତ ଭାଷଣ ଓ ଅତିଥି ପରିଚୟ ଦେଇଥିଲେ l ତତ୍ପରେ ନବାଗତ ଶିକ୍ଷକ, ଶିକ୍ଷିକା ଏମ ଏସ ଗୀତିମୟା, ନିବେଦିତା ସ୍ୱାଇଁ, ଅର୍ଚ୍ଚନା ପ୍ରିୟଦର୍ଶିନୀ ଲେଙ୍କା, ଲିଜା ଗୁଇଁ, ଦେବାଶିଷ ଗିରି, ରାକେଶ ରଞ୍ଜନ ପାଣି, ଶିବଶଙ୍କର ଦାସ ଙ୍କ ପରିଚୟ ପ୍ରଦାନ ସହ ସେମାନଂକୁ ପୁଷ୍ପଗୁଚ୍ଛ,ଉତ୍ତରୀୟ ଦେଇ ଅତିଥିବୃନ୍ଦ ସମ୍ବର୍ଦ୍ଧିତ କରିଥିଲେ ll ସିଉନାଗୁଡ଼ା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର ଶିକ୍ଷକ ରତ୍ନାକର ଦାଶଙ୍କୁ ସିଆରସିସି ବିଷ୍ଣୁ ପ୍ରସାଦ ସାହୁ ” ଆଦର୍ଶ ଶିକ୍ଷକ ” ଭାବେ ଉତ୍ତରୀୟ ଓ ମାନପତ୍ର ଦେଇ ସମ୍ବର୍ଦ୍ଧିତ କରିଥିଲେ l ଅନ୍ୟମାନଙ୍କ ମଧ୍ୟରେ ଧୀରଜ ମଣ୍ଡଳ, ସୁରେଶ ଚନ୍ଦ୍ର ପଣ୍ଡା, ପଦ୍ମାବତୀ ପରଜା, ରମେଶ ଚନ୍ଦ୍ର ଓଝା, ଘନେଶ୍ୱରୀ ସାଙ୍ଗନା, ଯଶୋବନ୍ତ ଦେ, ନୀଳକଣ୍ଠ ଚମ୍ପତି , ରତିରାମ ପୂଜାରୀ, ବିଶ୍ୱଜିତ ପଟ୍ଟନାୟକ, ଲକ୍ଷ୍ମଣ ଭତ୍ରା, ରାଇଧର ଭତ୍ରା, ସନ୍ତୋଷ ଜେନା, ତେଜେଶ୍ୱର ନାୟକ, ସନ୍ୟାସୀ ଗଣ୍ଡ ପ୍ରମୁଖ ଉପସ୍ଥିତ ରହି ସକ୍ରିୟ ସହଯୋଗ କରିଥିଲେ l ପରିଶେଷରେ, ବିରଞ୍ଚି ସୁନାନୀ ଧନ୍ୟବାଦ ଅର୍ପଣ କରିଥିଲେ l