ଦେବେନ୍ଦ୍ର _ ବେଗୁନିଆ ରାସ୍ତାର ସମ୍ପ୍ରସାରଣ କରିବାକୁ ଦାବୀ ଜୋର ଧରିଲା
ଦେବେନ୍ଦ୍ର _ ବେଗୁନିଆ ରାସ୍ତାର ସମ୍ପ୍ରସାରଣ କରିବାକୁ ଦାବୀ ଜୋର ଧରିଲା
==================== ଝଙ୍କଡ଼ ତା ୨୦/୬/୨୦୨୩। ପ୍ରସିଦ୍ଧ ଝଙ୍କଡ଼ ସାରଳାପୀଠରୁ ଜଗତସଂହପୁର କାଦୁଅପଡା ଡିହସାହି କୁ ସଂଯୋଗ କରୁଥିବା ରାସ୍ତାଟି ଦେବେନ୍ଦ୍ର ବେଗୁନିଆ ରାସ୍ତା ନାମରେ ନାମିତ। ଏହି ୧୩ କିଲୋମିଟର ରାସ୍ତା ଟି ଅଣଓସାରିଆ ରାସ୍ତା ହୋଇଥିବାରୁ, ଯାନ ବାହାନ ଚଳାଚଳ ସମୟ ରେ ବିଭିନ୍ନ ସ୍ଥାନରେ ଦୁର୍ଘଟଣା ଆଦି ଘଟି ଧନଜୀବନ ନଷ୍ଟ ହେଉଅଛି ! କିଛି ଦିନ ପୂର୍ବରୁ ଏହି ରାସ୍ତାର ଚଷାପଡା ଠାରେ ଏକ ମର୍ମନ୍ତୁତ ଟ୍ରକ୍ ଦୁର୍ଘଟଣା ରେ, ସ୍କୁଟି ରେ ଯାଉଥିବା ଜଣେ ମୁସଲିମ ମହିଳା ଓ ତାଙ୍କର ଶିଶୁକନ୍ୟା ଙ୍କର ଘଟଣା ସ୍ଥଳରେ ଶୋଚନୀୟ ମୃତ୍ୟୁହୋଇଥିଲା । ବିଶେଷ କରି ଏହି ରାସ୍ତାଦେଇ ଝଙ୍କଡ଼ ସାରଳାପୀଠ ରୁ ନାଉଗାଁ, ବାଲିକୁଦା ଓ ମାଛଗାଁ କୁ ଯାତାୟତ ପାଇଁ ସୁବିଧା ଥିବାବେଳେ, କାକଟପୁର ମାଆ ମଙ୍ଗଳା ମନ୍ଦିର ସମେତ ବିଶ୍ଵପ୍ରସିଦ୍ଧ କୋଣାର୍କ ଓ ପୁରୀ ଶ୍ରୀକ୍ଷେତ୍ର ଶ୍ରୀ ଜଗନ୍ନାଥଙ୍କ ଦର୍ଶନ କରିବା ପାଇଁ , ସ୍ଥାନୀୟ ତଥା ଦେଶ ବିଦେଶ ର ପର୍ଯ୍ୟଟକ ମାନେ ସ୍ୱଳ୍ପ ସମୟ ଓ ଅଳ୍ପ ରାସ୍ତା ରେ ଯାତାୟତ କରିବାର ସୁବିଧା ଉପଲବ୍ଧ ହୋଇ ଥାଆନ୍ତି। ତେବେ ଏହି ସବୁକଥା କୁ ଦୃଷ୍ଟିରେ ରଖି ଦେବେନ୍ଦ୍ର ବେଗୁନିଆ ରାସ୍ତା ର ନବୀକରଣ ଓ ପ୍ରଶସ୍ତିକରଣ ଅତ୍ୟନ୍ତ ଜରୁରୀ ହୋଇପଡ଼ିଛି, । ଅପରପକ୍ଷରେ ଝଙ୍କଡ଼ ସାରଳାପୀଠ କୁ ଜଗତସିଂହପୁର ଜୟପୁର ରାସ୍ତାର ସଂଅରା ଠାରୁ ସାରଳାମନ୍ଦିର ୬ କିଲୋମିଟର ଓ କଟକ ପାରାଦୀପ ରାସ୍ତାର ଦୋଷଡିକ ସାରଳା ରୋଡ ଠାରୁ ସାରଳାମନ୍ଦିର ୬ କିଲୋ ମିଟର ରାସ୍ତାର ନବୀକରଣ ଓ ପ୍ରଶସ୍ତିକରଣ କାର୍ଯ୍ୟ ଚାଲିଥିବାବେଳେ, ଦେବେନ୍ଦ୍ର ବେଗୁନିଆ ୧୩ କିଲୋମିଟର ରାସ୍ତାର ପ୍ରଶସ୍ତିକରଣ ନିମନ୍ତେ ନିର୍ମାଣବିଭାଗ ତରଫରୁ କୌଣସି ପଦକ୍ଷେପ ଗ୍ରହଣ କରାଯାଇ ନାହିଁ। ରାଜ୍ୟ ସରକାର ଏଥି ନିମନ୍ତେ ଆର ଆଣ୍ଡ ବି ବିଭାଗ ତରଫରୁ ଦେବେନ୍ଦ୍ର ବେଗୁନିଆ ରାସ୍ତା ର ନବୀକରଣ ଓ ପ୍ରଶସ୍ତିକରଣ ନିମନ୍ତେ ଆବଶ୍ୟକୀୟ ଆଶୁପଦକ୍ଷେପ ଗ୍ରହଣ କରିବାପାଇଁ ସମାଜସେବୀ ହେମନ୍ତ କୁମାର ରଥ ଯୁବନେତା ଚିତ୍ତରଞ୍ଜନ ରଥ , ଶିକ୍ଷାବିତ ମହେନ୍ଦ୍ର କୁମାର ଆଚାର୍ଯ୍ୟ, ଯଶୋବନ୍ତ ରାଉତ , ସାମ୍ବାଦିକ ପ୍ରଦୀପ୍ତ କୁମାର ମହାନ୍ତି, କୋଷ୍ଠିମଳିକାପୁର ସରପଞ୍ଚ ବିଭୁପ୍ରସାଦ ମହାନ୍ତି , ସରପଞ୍ଚ ରେବତୀ ମହାନ୍ତି , ମୁଳିସିଂ ସରପଞ୍ଚ ସଫୀ ଆଜମ ଓ ସମାଜସେବୀ ଅଶୋକ କୁମାର୍ ମହାନ୍ତି ପ୍ରମୁଖ ଶାରଳା ମନ୍ଦିରର ସମସ୍ତ ପଣ୍ଡା ସେବକ, ଓ ଝଙ୍କଡ ଅଞ୍ଚଳର ଅଧିବାସୀ ମାନେ ଦୃଢ଼ଦାବୀ କରି ଅଛନ୍ତି !
ତିର୍ତ୍ତୋଲ ରୁ ଶରତ କୁମାର ଦାଶ ଙ୍କ ରିପୋର୍ଟ୍ ନ୍ୟୁଜ ଉପାନ୍ତ ଓଡିଶା
