ପୁଲିସ ଛାଉଣୀ ମଧ୍ୟରେ ଅନୁଷ୍ଠିତ ହେଲା ବ୍ଲକରେ ବହୁ ଚର୍ଚ୍ଚିତ

ପୁଲିସ ଛାଉଣୀ ମଧ୍ୟରେ ଅନୁଷ୍ଠିତ ହେଲା ବ୍ଲକରେ ବହୁ ଚର୍ଚ୍ଚିତ କେରମେଟି ପଞ୍ଚାୟତ କାର୍ଯ୍ୟାଳୟ ନିର୍ମାଣ ସ୍ଵତନ୍ତ୍ର ଗ୍ରାମସଭା l
କୋରାପୁଟ ଜିଲ୍ଲା କୁନ୍ଦୁରା ବ୍ଲକ ତା ୨୩/୬ କୁନ୍ଦୁରା ବ୍ଲକ କେରମେଟି ପଞ୍ଚାୟତ ସ୍ଥିତ ବାଲିବେଡା ଗାଁ ନିକଟରେ ବ୍ଲକର ବହୁ ଚର୍ଚ୍ଚିତ କେରମେଟି ପଞ୍ଚାୟତ କାର୍ଯ୍ୟାଳୟ ନିର୍ମାଣକୁ ନେଇ ସ୍ଵତନ୍ତ୍ର ଗ୍ରାମସଭା ଅନୁଷ୍ଠିତ ହୋଇଯାଇଛି l ଗ୍ରାମସଭା ସମୟ ଦିନ ୧୦ ଟା ରେ ଧାର୍ଯ୍ଯ ହୋଇଥିଲେ ସୁଦ୍ଧା ବର୍ଷା ପାଗ ଯୋଗୁ ୨ ଘଣ୍ଟା ବିଳମ୍ବରେ ଆରମ୍ଭ ହୋଇଥିଲା ବୈଠକ l ସରପଞ୍ଚ ମାଣିକ ସାନ୍ତାଙ୍କ ଅଧ୍ୟକ୍ଷତାରେ ହୋଇଥିବା ଏହି ବୈଠକରେ ପ୍ରାୟ ଏକ ହଜାରରୁ ଅଧିକ ଭୋଟର l ଯୋଗଦେଇ ଥିଲେ l ଜିଲ୍ଲା ପଞ୍ଚାୟତ ଅଧିକାରୀ ଯୁଗଳ କିଶୋର ନାୟକ, ପଞ୍ଚାୟତ ନିର୍ବାହୀ ଅଧିକାରୀ ଭୂପେନ୍ ଜାନି, ପଞ୍ଚାୟତ ସମ୍ପ୍ରସାରଣ ଅଧିକାରୀ ସୁରେଶ୍ ଚନ୍ଦ୍ର ହୋତା, ପ୍ରମୁଖଙ୍କ ଉପସ୍ଥିତିରେ ହୋଇଥିଲା ଆଲୋଚନା l ଏକାଠି ବସି ନ ଥିଲେ ଲୋକ କେରମେଟିରେ ଓ ବାଲିବେଡା ଛକରେ ପଞ୍ଚାୟତ କାର୍ଯ୍ୟାଳୟ ନିର୍ମାଣ ନିମନ୍ତେ ଦୁଇ ଗୋଷ୍ଠୀ ଅଲଗା ଅଲଗା ବସିଥିଲେ l ଉପସ୍ଥିତ ଅଧିକାରୀ ସମସ୍ତେ ଏକାଠି ବସି ଆଲୋଚନା କରିବା ପାଇଁ ଅନୁରୋଧ କରିଥିଲେ କିନ୍ତୁ ଶୁଣି ନ ଥିଲେ l ଏ ମଧ୍ୟରେ ଆରମ୍ଭ ହୋଇଥିଲା ଆଲୋଚନା l କେରମେଟି ଗାଁ ଲୋକେଙ୍କ ସହ ଅନ୍ୟ ଗାଁର ସମର୍ଥକ କେରମେଟି ନାରେ ପଞ୍ଚାୟତ ରହିଅଛି, ଅସ୍ଥାୟୀ ଭାବେ ପଞ୍ଚାୟତର ଦୈନନ୍ଦିନ କାର୍ଯ୍ୟ ମଧ୍ଯ ଏଠାରେ ଚାଲିଛି l ଏଣୁ କେରମେଟିରେ ହିଁ କରିବା ପାଇଁ ମତ ରଖିଥିବା ବେଳେ କେନ୍ଦୁଗୁଡା ଗାଁ ଲୋକେ ଓ ଅନ୍ୟ ଗାଁର ସମର୍ଥକ ଦୁଇ ଗାଁର ବିବାଦକୁ ନେଇ ପଞ୍ଚାୟତରେ ସ୍ଥାୟୀ କାର୍ଯ୍ୟାଳୟ ନିର୍ମାଣ ହୋଇ ପାରୁନାହଁ ତେଣୁ ଏହି ଦୁଇ ଗାଁରେ ନ ହୋଇ ଦୁଇ ଗାଁର ଓ ସମଗ୍ର ପଞ୍ଚାୟତର ମଝୀ ସ୍ଥାନ ବାଲିବେଡା ଛକରେ ହେଉ ଯାହା ଦ୍ୱାରା କି ଆଉ କିଛି ବିବାଦ ରହିବ ନାହିଁ ଏବଂ ଅନ୍ୟ ପକ୍ଷେ ଆଜି ଦିନରେ ପଞ୍ଚାୟତ କାର୍ଯ୍ୟାଳୟ ନ ଥିବା ହେତୁ ଭୋଗୁଥିବା ସମସ୍ତ ସମସ୍ୟା ଦୂର ହେବ ବୋଲି ମତ ରଖିଥିଲେ l ଦିନ ୧୨.୩୦ ରେ ଆରମ୍ଭ ହୋଇଥିବା ସଭାରେ ଦୁଇ ପକ୍ଷ ନିଜ ନିଜ କଥାରେ ଅଟଳ ଥିବାରୁ ୩.୩୦ ମିନିଟ୍ ପର୍ଯ୍ୟନ୍ତ ନାକେଦମ୍ ହୋଇଥିଲେ ଅଧିକାରୀ l ଶେଷରେ ଆଜି ଗ୍ରାମସଭାର ଜନମତକୁ ନେଇ ସମସ୍ତ ତଥ୍ୟ ସରକାରଙ୍କୁ ଅବଗତ କରାଯିବ ବୋଲି ସମ୍ପ୍ରସାରଣ ଅଧିକାରୀ ଶ୍ରୀ ହୋତା ଆଲୋଚନା କରିଥିଲେ ଓ ଲିଖିତ ବିବରଣୀ ପାଠ କରି ଶୁଣାଇ ଥିଲେ l ଲିଖିତ ବିବରଣୀ ପ୍ରକାରେ ଜନମତ ଅନୁଶାରେ କେରମେଟି, ବାଲିବେଡା, କେନ୍ଦୁଗୁଡା, ଜବାପଦର ଓ କନ୍ଦାଯୋଡି ପାଇଁ ମତ ପ୍ରକାଶ ପାଇଛି ଏବଂ ଭୋଟ କରିବା ପାଇଁ ମଧ୍ଯ ଜନମତ ରହିଛି l କିନ୍ତୁ ଉପସ୍ଥିତ ସାବାଳକ ଭୋଟର ମାନଙ୍କ ଆଖିଦୃଶିଆ ଆକଳନ ପ୍ରକାରେ କେରମେଟି ଠାରେ ବହୁମତ ଅନୁମେୟ ଥିବା ନେଇ ଦର୍ଶାଯାଇଛି l ଅନ୍ୟ ପକ୍ଷେ ଏହାର ପରବର୍ତ୍ତୀ କାର୍ଯ୍ୟାନୁଷ୍ଠାନ ପାଇଁ ସରକାରଙ୍କୁ ଜଣାଇବା ପାଇଁ ମତ ନିଆଯାଇଛି ଓ ପରିସ୍ଥିତିକୁ ଅନୁମାନ କରି ସରପଞ୍ଚ ବୈଠକକୁ ସ୍ଥଗିତ ରଖିଥିବା ଘୋଷାଣ ରଖିଛନ୍ତି ବୋଲି ଉଲ୍ଲେଖ ରହିଛି l
ପ୍ରକାଶ ଥାଉ କି କେରମେଟି ପଞ୍ଚାୟତକୁ ନୂତନ ପଞ୍ଚାୟତ ଭାବେ ଘୋଷଣା ହେବାର ୨୦ ବର୍ଷରୁ ଉର୍ଦ୍ଧ୍ୱ ହେଲାଣି ଏ ଭିତରେ ଚାରି ଜଣ ସରପଞ୍ଚଙ୍କ କାର୍ଯ୍ୟକାଳ ସରି ପଞ୍ଚମ ଥର ସରପଞ୍ଚ କ୍ଷମତାରେ ଅଛନ୍ତି ତଥାପି ଏହି ଦୁଇ ଗାଁର ବିବାଦ କୁ ନେଇ ନିର୍ମାଣ ହୋଇ ପାରୁନାହଁ କାର୍ଯ୍ୟାଳୟ l ଦୁଇ ପକ୍ଷେ ଅଦାଲତର ଦ୍ବାରସ୍ଥ ମଧ୍ଯ ହୋଇଛନ୍ତି l ଅଦାଲତର ନିଷ୍ପତ୍ତି ପ୍ରକାରେ ଆଜି ସରପଞ୍ଚଙ୍କ ଦ୍ଵାର ସ୍ୱତନ୍ତ୍ର ଗ୍ରାମସଭା ଡକା ୟାଇଥିଲା l କିନ୍ତୁ ହୋଇପାରିଲା ନାହିଁ ପୂର୍ଣ୍ଣାଙ୍ଗ ନିଷ୍ପତ୍ତି l ଗ୍ରାମ ସଭାକୁ ଶାନ୍ତି ଶୃଙ୍ଖଳାର ସହ ସଫଳ କରିବା ନିମନ୍ତେ ବ୍ଲକ ପ୍ରଶାସନ ବି ଡି ଓ ବିଚିତ୍ରା ନନ୍ଦ ନାୟକ, ମାଜିଷ୍ଟ୍ରେଟ ତହସିଲଦାର ଆୟୁବ ମଣ୍ଡଳ, ପୁଲିସ ପ୍ରଶାସନ ପକ୍ଷରୁ ଥାନା ଅଧିକାରୀ ସମର୍ପିତା ସ୍ୱାଇଁଙ୍କ ସମେତ ସମସ୍ତ ଅଧିକାରୀ, କର୍ମଚାରୀ ଓ ପୁଲିସ ଫୋର୍ସ ମୁତୟନ ଥିଲେ l ଅନ୍ୟ ମାନଙ୍କ ମଧ୍ୟରେ ଜିଲ୍ଲା ପରିଷଦ ଉପାଧ୍ୟକ୍ଷ ରାଧା ବିନୋଦ ସାମନ୍ତରାୟ, ଜିଲ୍ଲା ପରିଷଦ ସଭ୍ଯା କନକଲତା ପେଣ୍ଟିଆ, ସମିତି ସଭ୍ଯା ଗୋରୀ ହରିଜନ, ସମସ୍ତ ୱାର୍ଡ଼ ସଭ୍ଯ/ ସଭ୍ଯା, ଉପସ୍ଥିତ ଥିଲେ l ରୋଜଗାର ସେବକ ସୋମନାଥ ହରିଜନ ଓ ଯୋଗାଣ ସହାୟକ ସୀତାରାମ ହରିଜନ ସଭା ପରିଚାଳନାରେ ସହଯୋଗ କରିଥିଲେ l
କୋରାପୁଟ ଜିଲ୍ଲା ପ୍ରତିନିଧି ଶ୍ରୀ ହରିଶ୍ କୁମାର ପଟ୍ଟନାୟଙ୍କ ରିପୋର୍ଟ୍ ନ୍ୟୁଜ୍ ଉପାନ୍ତ ଓଡ଼ିଶା l