ଅକ୍ଷୟ ତୃତୀୟା ଅବସରରେ ରାମନାଗୁଡା କୃଷି ବିଭାଗ ପକ୍ଷରୁ କୃଷକ ଦିବସ ପାଳିତ

ରାମନାଗୁଡା, ରାୟଗଡା ଜିଲ୍ଲା ରାମନାଗୁଡା ବ୍ଲକ ଅନ୍ତର୍ଗତ ଗୋସେଇଁ ଗୁଲୁମୁଣ୍ଡା ପଂଚାୟତ ଅଧିନସ୍ତ ଚାକୁଣ୍ଡା ନିକଟରେ ରାମନାଗୁଡା କୃଷି ବିଭାଗ ପକ୍ଷରୁ ପବିତ୍ର ଅକ୍ଷୟ ତୃତୀୟା ଏବଂ କୃଷକ ଦିବସ ପାଳନ କରାଯାଇଥିଲା । ଉକ୍ତ କାର୍ଯ୍ୟକ୍ରମରେ ଆତ୍ମା ର ଅଧ୍ୟକ୍ଷା ଲଷ୍ମୀ ମାଣ୍ଡାଙ୍ଗି ଙ୍କ ସଭାପତିତ୍ୱ ରେ ଆୟୋଜନ ହୋଇଥିବା ବେଳେ ମୁଖ୍ୟ ଅତିଥି ରୂପେ ଜିଲ୍ଲା ପରିଷଦ ସଭ୍ୟ ସୁରେଶ ଗମାଙ୍ଗ (କ), ସମ୍ମାନିତ ଅତିଥି ଭାବେ ତାଙ୍ଗୁଡୁ ଶ୍ରୀଧର(ଖ) ଯୋଗ ଦେଇଥିଲେ ।ସେହିପରି ମୁଖ୍ୟବକ୍ତା ଭାବରେ ବିଭୁତି ଭୂଷଣ ବିଷୋୟୀ ବ୍ଲକ କୃଷି ଅଧିକାରୀ ,କୃଷ୍ଣ ନନ୍ଦ ବେହେରା ପ୍ରାଣୀ ସମ୍ପଦ ଅଧିକାରୀ, ସୁଶ୍ରୀ ଭାଗ୍ୟଶ୍ରୀ ବେହେରା ରାମନାଗୁଡ଼ା କୃଷି ବିଭାଗ ସହକାରୀ ଯନ୍ତ୍ରୀ ପ୍ରମୁଖ ଯୋଗ ଦେଇଥିଲେ,ଏଥିରେ ତ୍ରିପତି ମହାନ୍ତି ଙ୍କ ପୌରହିତ ରେ ବ୍ଲକ କୃଷି ଅଧିକାରୀ ବିଭୁତି ଭୂଷଣ ବିଷୋୟୀ , ଆତ୍ମା ଅଧକ୍ଷା ଲଷ୍ମୀ ମାଣ୍ଡାଙ୍ଗି ଭୂମି ପୂଜନ ଏବଂ ମହାଲକ୍ଷ୍ମୀ ପୂଜନ,ଅକ୍ଷୀ ମୁଠି କାର୍ଯ୍ୟକ୍ରମ ରେ ଉପସ୍ଥିତ ରହି ଥିଲେ ଏବଂ କୃଷି ବିଭାଗ ତରଫରୁ ହୋଇଥିବା କୃଷକ ମାନଙ୍କ ବିକାଶ ନିମନ୍ତେ ଚାକୁଣ୍ଡା ସ୍ଥିତ କୃଷି କାର୍ଯ୍ୟାଳୟ ରେ ଏକ ବୈଠକ ଅନୁଷ୍ଠିତ ହୋଇଥିଲା ।ଏଥିରେ ଅକ୍ଷୟ ତୃତୀୟା ତଥା କୃଷକ ଦିବସର ମହତ୍ତ୍ୱ ସମ୍ପର୍କରେ କାର୍ଯ୍ୟକ୍ରମ ରେ ଉପସ୍ଥିତ ଥିବା ସମସ୍ତ ଅତିଥି ମାନେ ଆଲୋକପାତ କରିଥିଲେ । ଏହି ଅକ୍ଷୀ ମୁଠି ଓ ଅକ୍ଷୟ ତୃତୀୟା ସମ୍ପର୍କିତ ବୈଠକରେ ରାମନାଗୁଡା ବ୍ଲକ ର ସମିତି ସଭ୍ୟ ସଭ୍ୟ ,ସରପଞ୍ଚ ,ସ୍ୱୟଂ ସହାୟକ ଗୋଷ୍ଠୀ,କୃଷକ ସାଥି, ସ୍ଥାନୀୟ ଅଞ୍ଚଳର ଚାଷୀ ମାନେ ଯୋଗଦାନ କରି ସଫଳ ରୂପାୟନ କରିଥିଲେ । ଉକ୍ତ କାର୍ଯ୍ୟକ୍ରମ କୁ କୃଷି ବିଭାଗର ସମସ୍ତ କର୍ମଚାରୀ ପରିଚାଳନା କରିଥିଲେ ।

ରିପୋର୍ଟ ରାକେଶ କୁମାର ବେହେରା