ଖୋଳଖାଳି ଗ୍ରାମରେ ମା ବୁଢୀ ଠାକୁରାଣୀଙ୍କ ମନ୍ଦିର ପ୍ରତିଷ୍ଠା ଉତ୍ସବ
ବୁଗୁଡ଼ା : ତା ୨୩/୦୪/୨୩ : ବୁଗୁଡ଼ା ବ୍ଲକର ଖୋଳଖାଳି ଗ୍ରାମରେ ମା ବୁଢୀ ଠାକୁରାଣୀଙ୍କ ମନ୍ଦିର ପ୍ରତିଷ୍ଠା ଉତ୍ସବ ଅନୁଷ୍ଠିତ ହୋଇଯାଇଛି । ଉକ୍ତ ଉତ୍ସବରେ କର୍ତ୍ତା ଭାବେ ଶିବାଜୀ ସାମଲ ଦାୟିତ୍ବ ନିର୍ବାହ କରିଥିବା ବେଳେ ପୁରୋହିତ ରାମକୃଷ୍ଣ ନନ୍ଦଙ୍କ ସମେତ ଅନ୍ୟ ୧୦ ଜଣ ପୁରୋହିତ ଯୋଗ ଦେଇ ଯଥା ରୀତିନୀତି ପ୍ରକାରେ ପୂଜାପାଠ କାର୍ଯ୍ୟ ସମ୍ପାଦନ କରିଥିଲେ । ଏହି ଉତ୍ସବ ଉପଲକ୍ଷେ ଦୀକ୍ଷା ଗ୍ରହଣ,ଜଳଯାତ୍ରା, ଅଙ୍କୁରାରୋପଣ, ଜଳାସାଧିବାସ,ନାମାଧିବାସ ଆଦି କାର୍ଯ୍ୟକ୍ରମ ପୂର୍ବକ ୨୪ ପ୍ରହର ନାମଯଜ୍ଞ, ଘୃତଯଜ୍ଞ ଓ ଅନ୍ନଯଜ୍ଞ ଅନୁଷ୍ଠିତ ହୋଇଥୁଲା ।ଉକ୍ତ ନାମଯଜ୍ଞରେ ମାଳତୀବାଡି, ଖରିଡା , କତକଲା , ବେଠିଆବୋରଦା ଓ ଖୋଳଖାଳି ଆଦି
ଗ୍ରାମର ନାମ ସଂକୀର୍ତ୍ତିନ ଦଳ ଅଂଶ ଗ୍ରହଣ କରିଥିଲେ ।
ମନ୍ଦିର ପ୍ରତିଷ୍ଠା ଅନ୍ତେ ନାମଯଜ୍ଞ ପୂର୍ଣ୍ଣାହୁତି, ଦଧିଭାଣ୍ଡ
ଭଞ୍ଜନ, ନଗର ଭ୍ରମଣ ଓ ଯମୁନା ସ୍ନାନ ଆଦି କାର୍ଯ୍ୟକ୍ରମ
ଅନୁଷ୍ଠିତ ହୋଇଥିଲା। ଉତ୍ସବ ପରିଚାଳନାରେ ଖୋଳଖାଳି ଗ୍ରାମବାସୀଙ୍କ ସକ୍ରିୟ ସହଯୋଗ ରହିଥିଲା ।
ବୁଗୁଡ଼ା ରିପୋର୍ଟ ହର ପ୍ରସାଦ ପାଢି
