ସୁକୁଲା କୂଅ ମଧ୍ୟରୁ ବୃଦ୍ଧ ଙ୍କୁ ଉଦ୍ଧାର 

ଗଞ୍ଜାମ :ପ୍ରଦୀପ କୁମାର ପଣ୍ଡା

ଗଞ୍ଜାମ ବ୍ଲକ ଝରିଡି ରାଧା ଗୋବିନ୍ଦ ପୁର ଏକ ଶୁଖିଲା କୂଅ ମଧ୍ୟରୁ ମଙ୍ଗଳବାର ରାତ୍ରରେ ବୃଦ୍ଧ ଙ୍କୁ ଦମକଳ ବାହିନୀ ଗ୍ରାମବାସୀ ଙ୍କ ସାହାୟତାରେ ଉଦ୍ଧାର କରିଥିବା ଜଣାପଡିଛି l ଖବର ନେବାରେ ଜଣା ପଡିଛି ମଙ୍ଗଳବାର ସକାଳେ ଗ୍ରାମ ନିକଟସ୍ଥ ବିଲ କୁ ସେହି ଗ୍ରାମର ଧୋବା ନାହାକ (80)କାତି ଧରି ଦାନ୍ତକାଠି କାଟିବା ପାଇଁ ଯାଇଥିବା ବେଳେ ଏକ ଅନାବଶ୍ୟକ ଶୁଖିଲା କୂଅରେ ପଡିଯାଇଥିଲେ l କୂଅଅଧ୍ୟରେ ବାହୁଙ୍ଗୀ ଓ ଗଛ ଡ଼ାଳ ପଡିଥିବା ଯୋଗୁଁ ତାଙ୍କର ବିଶେଷ କ୍ଷତି ହୋଇନଥିଲା l ଦିନ ତମାମ ବୃଦ୍ଧ ଜଣଙ୍କ କୂଅରେ ପଡିରହିଥିଲେ l

ଅନ୍ୟପଟେ ପରିବାର ଲୋକେ ବହୁ ଖୋଜା ଖୋଜି କରିଥିଲେ ମଧ୍ୟ ତାଙ୍କୁ ପାଇନଥିଲେ l ଶେଷରେ ସେ କାତି ନେଇ ଦାନ୍ତକାଠି ପାଇଁ ଯାଇଥିବା ଜାଣିବାକୁ ପାଇବାପରେ ଗ୍ରାମବାସୀ ମାନେ ସ୍ଥାନୀୟ ଶସ୍ୟକ୍ଷେତ୍ର ମଧ୍ୟରେ ଖୋଜାଖୋଜି କରିବା ପରେ ତାଙ୍କୁ ସେଠାରେ ଏକ କୂଅ ମଧ୍ୟରେ ପଡିରହିଥିବା ଦେଖିବାକୁ ପାଇଥିଲେ l ପରେ ରମ୍ଭା ଦମକଳ ବାହିନୀ କୁ ଖବର ଦିଆଯାଇଥିଲା l ଗ୍ରାମବାସୀ ଙ୍କ ସାହାୟତାରେ ଦମକଳ ବାହିନୀ ବୃଦ୍ଧ ଙ୍କୁ ଉଦ୍ଧାର କରି ତାଙ୍କୁ ରମ୍ଭା ପ୍ରାଥମିକ ଚିକିତ୍ସାକେନ୍ଦ୍ର ରେ ଚିକିତ୍ସା ବ୍ୟବସ୍ଥା କରାଇଥିଲେ l ବୃଦ୍ଧ ଜଣଙ୍କ ସୁସ୍ଥ ରହିଥିବା ଜଣାଅପଡ଼ିଛି l