ସାରଳା ମନ୍ଦିରରେ ଅଣହିନ୍ଦୁ ପ୍ରବେଶ ଯୋଗୁଁ ବିଭ୍ରାଟ :

ତିର୍ତ୍ତୋଲ – ତା 22/12/2025 ପ୍ରସିଦ୍ଧ ଝଙ୍କଡ଼ ସାରଳା ମନ୍ଦିରରେ ଗତ ସୋମବାର ମଧ୍ୟାହ୍ନରେ ପୁରୀ କଣାସ ଅଞ୍ଚଳର ଜଣେ ହିନ୍ଦୁ ଯୁବକ ଓ କଟକ ଯୋବ୍ରା ର ସଂଖ୍ୟାଲଘୁ ସମ୍ପ୍ରଦାୟ ର ଯୁବତୀ ଭଲପାଇ ବିବାହ କରିବା ନିମନ୍ତେ ଆସିଥିଲେ l ଯଦିବା ମା ସାରଳା ଙ୍କ ମନ୍ଦିରର ସିଂହଦ୍ୱାର ଓ ଦକ୍ଷିଣଦ୍ୱାର ସମ୍ମୁଖରେ, ଅଣହିନ୍ଦୁମାନଙ୍କ ପ୍ରବେଶନିଷିଦ୍ଧ ବୋଲି ବିଜ୍ଞl ପନ ମରାଯାଇଛି ଓ ଡାକବାଜିଯନ୍ତ୍ର ରେ ବାରମ୍ବାର ଏହି ନିଷେଧl ଜ୍ଞ୍ୟା ବିଷୟରେ ଘୋଷଣା ମଧ୍ୟ କରାଯାଉଛି l ତଥାପି ଏସବୁ କୁ ଖାତିରି ନକରି, ଉଭୟ ପ୍ରେମୀଯୁଗଳ ବିବାହ କରିବା ନିଶାରେ ମନ୍ଦିରର ବେଢା ଭିତରକୁ ପଶିଯାଇଥିଲେ l ହେଲେ ଦେବୋତ୍ତର ବିଭାଗ ପ୍ରଶାସନିକ ବ୍ୟବସ୍ଥା ଯୋଗୁଁ ମନ୍ଦିର କାର୍ଯ୍ୟାଳୟ ରେ ବିବାହ ପାଇଁ ରସିଦ କାଟିବା ସମୟରେ ନିୟମ ଅନୁଯାଇ ସେମାନଙ୍କର ଆଧାରକାର୍ଡ କପି ଯାଞ୍ଚ କଲାବେଳେ ଯୁବତୀ ଜଣକ ଜଣେ ମୁସଲିମ ଝିଅ ବୋଲି ଜଣା ପଡିଥିଲା l ଏହାକୁ ନେଇ କିଛିସମୟ ପାଇଁ ସେବାୟତ ମାନଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇଥିଲା l ମନ୍ଦିର ପୋଲିସ ଫାଣ୍ଡି ର ହସ୍ତକ୍ଷେପ ପରେ ସେମାନଙ୍କୁ ମନ୍ଦିର ବେଢାପରିସରରୁ ବାହାରକୁ ନିଆଯାଇଥିଲା l ପରେ ପରେ ଵିଧିବ୍ୟବସ୍ଥା ଅନୁଯାଇ ମନ୍ଦିର ସୌଧ କରାଯାଇ, ମାଆଙ୍କୁ ମହାସ୍ନାନ ଓ ପଞ୍ଚାମୃତ ମାର୍ଜନା କରାଯାଇଥିଲା l ପାକଶାଳା ରେ ନିତିକାନ୍ତି ନିମନ୍ତେ ପୂର୍ବରୁ ପ୍ରସ୍ତୁତ ହୋଇଥିବା ସମସ୍ତ ଅମଣିଆ ପ୍ରସାଦ କୁ ଚନ୍ଦନପୁଷ୍କରିଣୀ ରେ ବିସର୍ଜ୍ଜନ କରାଯିବା ପରେ ରୋଷହୋମ କରାଯାଇ ପୁନଃଶ୍ଚ ପାକ ପ୍ରସ୍ତୁତି କରାଯାଇଥିଲା l ତେବେ ଏହି ଅହେତୁକ ବିଳମ୍ବ ଯୋଗୁଁ ମାଆଙ୍କ ପ୍ରସାଦ ପାଇବା ପାଇଁ ଅପେକ୍ଷାରେ ଥିବା ଶ୍ରଦ୍ଧାଳୁ ଭକ୍ତ ଓ ଯାତ୍ରୀ ମାନଙ୍କୁ ଭୋକଉପାସରେ ଛଟପଟ ହେବାକୁ ପଡିଥିଲା l ତେବେ ଯେତେବେଳେ ଏପରି ଅଘଟଣ ଘଟୁଛି ସେତେବେଳେ ମନ୍ଦିର ପାଣ୍ଠିରୁ ଅଧିକରୁ ଅଧିକ ଅର୍ଥ ଓ ପଦାର୍ଥ ବ୍ୟୟ ହେଉଛି l ତେଣୁ ଏପରି ଅଘଟଣ ର ସ୍ଥାୟୀ ନିରାକରଣ ନିମନ୍ତେ ମନ୍ଦିରର ପ୍ରବେଶପଥ ମାନଙ୍କରେ ସ୍ୱତନ୍ତ୍ର ପୋଲିସ ନିଯୁକ୍ତ କରାଯାଇ, ଯାଞ୍ଚ ପ୍ରକ୍ରିୟା କୁ କଡାକଡି କରିବା ଅତ୍ୟନ୍ତ ଜରୁରୀ ହୋଇ ପଡିଛି lଜଗତ୍ସିଂହପୁର ରୁ ଶରତ କୁମାର ଦାଶ ଙ୍କ ରିପୋର୍ଟ୍ ନ୍ୟୁଜ ଉପାନ୍ତ ଖବର