ଅଜଣା ଗାଡି ଧକ୍କାରେ ଯୁବକ ଙ୍କ ମୃତ୍ୟୁ, ଜଣେ ଗୁରୁତର……..
ଉମରକୋଟ (ଏମ୍.ଦିନା°ଶୁ ଆଚାରୀ ) ଖାଇ ସାରି ବାହାର କୁ ବୁଲିବାକୁ ଯାଇ ଜୀବନ ହାରିଲେ ଯୁବକ!ପଛପଟୁ ଅଜଣା ଗାଡ଼ି ଧକ୍କାରେ ଜଣଙ୍କର ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ଆହତ ହୋଇଛନ୍ତି। ଏଭଳି ଏକ ଦୁଃଖଦ ଘଟଣା ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ଉମରକୋଟ ଥାନା ଅଧୀନରେ ଥିବା ତେଲକନାଡି ଗ୍ରାମରେ। ମୃତ ଯୁବକ ଜଣକ ହେଲେ ଝରିଗାଁ ବ୍ଲକ ଗୋରାମ୍ବା ଗ୍ରାମର ଉଦୟନାଥ ମାଝୀ (୨୩)। ଆହତ ଯୁବକ ଜଣକ ହେଲେ ତେଲକନାଡି ଗ୍ରାମର ପ୍ରହଲ୍ଲାଦ ଭତରା (୨୨)। ମିଳିଥିବା ସୂଚନା ଅନୁସାରେ ଉଦୟନାଥ ଗତକାଲି ନିଜ ମାଉସୀ ଘର ତେଲକନାଡି ଗ୍ରାମକୁ ବୁଲିବାକୁ ଆସିଥିଲେ। ଉଦୟ ଓ ପ୍ରହଲ୍ଲାଦ ରାତିରେ ଖାଇସାରି ଗାଁ ରାସ୍ତାରେ ବୁଲୂଥିଲେ। ଏହି ସମୟରେ ଏକ ଅଜଣା ଗାଡ଼ି ଦ୍ରୁତ ଗତିରେ ଆସି ଦୁହିଁଙ୍କୁ ପଛପଟୁ ଧକ୍କା ଦେଇଥିଲା। ଘଟଣାକୁ ନେଇ ପ୍ରହଲ୍ଲାଦ ଫୋନ୍ ଯୋଗେ ପରିବାର ଲୋକଙ୍କୁ ଏକ କାର ଧକ୍କା ଦେଇ ଚାଲି ଯାଇଥିବା ଜଣାଇଥିଲେ। ପରିବାର ଲୋକେ ଘଟଣାସ୍ଥଳରେ ପହଞ୍ଚି ଦୁହିଁଙ୍କୁ ଉଦ୍ଧାର କରି ଉମରକୋଟ ଉପଖଣ୍ଡ ସ୍ବାସ୍ଥ୍ୟ କେନ୍ଦ୍ର କୁ ଆଣିଥିଲେ। ପ୍ରହଲ୍ଲାଦ ଙ୍କ ଡାହାଣ ଗୋଡ ଭାଙ୍ଗି ଯାଇଥିବା ବେଳେ ଡାକ୍ତର ଉଦୟ ଙ୍କୁ ମୃତ ଘୋଷଣା କରିଥିଲେ। ପ୍ରାଥମିକ ଚିକିତ୍ସା ପରେ ପ୍ରହଲ୍ଲାଦ ଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ କୋରାପୁଟ ସହିଦ୍ ଲକ୍ଷ୍ମଣ ନାୟକ ମେଡିକାଲ କଲେଜ କୁ ସ୍ଥାନାନ୍ତର କରାଯାଇଥିଲା। ଏନେଇ ପରିବାର ଲୋକଙ୍କ ପକ୍ଷରୁ ଆଜି ଉମରକୋଟ ଥାନାରେ ଲିଖିତ ଅଭିଯୋଗ /କରାଯାଇଥିଲା । ଅଭିଯୋଗ କୁ ଭିତ୍ତି କରି ଉମରକୋଟ ପୋଲିସ ଡାକ୍ତରଖାନାରେ ପହଞ୍ଚି ଶବ ଜବତ କରିବା ସହ ବ୍ୟବଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଥିଲେ। ପୋଲିସ ଏହାକୁ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ ଚଳାଇଛନ୍ତି। ତଦନ୍ତ ଭାର ଏସଆଇ ଅକ୍ଷୟ ମିଶ୍ର ସମ୍ଭାଳିଥିବା ସୂଚନା ମିଳିଛି ।
