ସ୍କୁଟି ସହ ସାଇକଲ ଧକ୍କା, ଜଣେ ମୃତ ୨ ଆହତ
ସ୍କୁଟି ସହ ସାଇକଲ ଧକ୍କା, ଜଣେ ମୃତ ୨ ଆହତ
ବୁଗୁଡ଼ା : ତା ୨୨/୦୧/୨୩ : ବୁଗୁଡ଼ା ଥାନା ଅନ୍ତର୍ଗତ ବାଲିପଦର ନିକଟରେ ସ୍କୁଟି ଓ ସାଇକଲ ମଧ୍ୟରେ ଧକ୍କା ହେବା ଫଳରେ ଜଣଙ୍କ ମୃତ୍ୟୁ ଘଟିଥିବା ବେଳେ ୨ ଜଣ ଆହତ ହୋଇଛନ୍ତି l ମୃତ ଯୁବକ ଜଣକ ହେଲେ ବାଲିପଦର ପଣ୍ଡା ସାହିର ଅବିନାଶ ଗୁରୁ ଓ ଆହତ ଦ୍ବୟ ହେଲେ ବାଲିପଦର ମୁଖ୍ୟ ସଡ଼କର ମୋହନ ନାୟକ ଓ ବାଲିପଦର କୁମୁଟି ସାହିର ଯୋଗେନ୍ଦ୍ର ରାଉତ l ଅବିନାଶ ଓ ମୋହନ ପେଟ୍ରୋଲ ପମ୍ପରୁ କାମ ସାରି ବାଲିପଦର ଅଭିମୁଖେ ଯାଉଥିବା ବେଳେ କାଜୁ ଫେକ୍ଟ୍ରିରେ କାମ ସାରି ସାଇକଲ ଯୋଗେ ଘରକୁ ଫେରୁଥିବା ଯୋଗେନ୍ଦ୍ରଙ୍କ ସହ ଧକ୍କା ହୋଇଥିଲା l ବାଲିପଦର ପୋଲିସ ତୁରନ୍ତ ଘଟଣା ସ୍ଥଳରେ ପହଞ୍ଚି ସମସ୍ତ ଆହତଙ୍କୁ ବୁଗୁଡ଼ା ମେଡିକାଲକୁ ଆଣିଥିଲେ ତେବେ ଅବିନାଶକୁ ଡାକ୍ତର ମୃତ ଘୋଷିତ କରିଥିବା ବେଳେ ଉଭୟ ଯୋଗେନ୍ଦ୍ର ଓ ମୋହନଙ୍କ ମୁହଁରେ ଆଘାତ ଲାଗିଥିଲା । ତେବେ ମୋହନଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ପ୍ରାଥମିକ ଚିକିତ୍ସା ପରେ ୧୦୮ ଆମ୍ବୁଲାନ୍ସ ଯୋଗେ ବ୍ରହ୍ମପୁର ସ୍ଥାନାନ୍ତର କରାଯାଇଛି l
