ନିର୍ମାଣ ଶ୍ରମିକ କଲ୍ୟାଣ ଯୋଜନା ସହାୟତା ବଣ୍ଟନ ଶିବିର
ନିର୍ମାଣ ଶ୍ରମିକ କଲ୍ୟାଣ ଯୋଜନା ସହାୟତା ବଣ୍ଟନ ଶିବିର
ବୁଗୁଡ଼ା : ତା ୨୧/୦୭/୨୩ : ସ୍ଥାନୀୟ ବିରଞ୍ଚି ନାରାୟଣ କଲ୍ଯାଣୀ ମଣ୍ଡପ ଠାରେ ନିର୍ମାଣ ଶ୍ରମିକ କଲ୍ଯାଣ ଯୋଜନା ସହାୟତା ବଣ୍ଟନ ଶିବିର ଅନୁଷ୍ଠିତ ହୋଇଯାଇଛି । ଉକ୍ତ ଶିବିରକୁ ପୋଲସରା ବିଧାୟକ ଶ୍ରୀକାନ୍ତ ସାହୁ ଉଦଘାଟନ କରିଥିବା ବେଳେ ଏଥିରେ ବ୍ଲକ ଉପାଧ୍ୟକ୍ଷ ମାନସ ରଞ୍ଜନ, ଏନ୍ଏସି ଅଧ୍ଯକ୍ଷ ଚିତ୍ରସେନ ପ୍ରଧାନ ଓ ଉପାଧ୍ୟକ୍ଷା ଗିତାଞ୍ଜଳୀ ପାଢୀ, ମଦନ ଗୋପାଳ ଦୋରା ପ୍ରମୁଖ ଯୋଗ ଦେଇଥିଲେ । ପ୍ରଭାଗୀୟ ଶ୍ରମ ଆୟୁକ୍ତ ବାବୁ ଚରଣ ପାତ୍ର ପ୍ରାରମ୍ଭିକ ଭାଷଣ ପ୍ରଦାନ କାଳରେ ଏକ ବର୍ଷରୁ ଉର୍ଦ୍ଧ୍ବ ସମୟ ଧରି ନିର୍ମାଣ ଶ୍ରମିକ ଭାବେ କାର୍ଯ୍ୟ କରିଆସୁଥିବା ପୁରୁଷ ଓ ମହିଳା ଶ୍ରମିକମାନେ କିଭଳି ଆବେଦନ କରି ଶ୍ରମିକ କାର୍ଡ ପ୍ରାପ୍ତି ପୂର୍ବକ ସରକାରଙ୍କ ବିଭିନ୍ନ ସହାୟତା ହାସଲ କରି ପାରିବେ ଏବଂ ଶ୍ରମିକ କାର୍ଡର ନବୀକରଣ ପ୍ରକ୍ରିୟା ସମ୍ପର୍କେ ଉପସ୍ଥିତ ଶ୍ରମିକମାନଙ୍କୁ ଅବଗତ କରିଥିଲେ ।
ଏ ଅବସରରେ ୧୬୫ ଜଣ ପୁରୁଷ ଓ ମହିଳା ଶ୍ରମିକମାନଙ୍କୁ କାର୍ଡ ବଣ୍ଟନ କରାଯାଇଥିଲା। ଉକ୍ତ ଶିବିରକୁ ସହକାରୀ ଶ୍ରମ ଅଧିକାରୀ ସୁରଥ ସ୍ବାଇଁ ପରିଚାଳନା କରିଥିଲା ବେଳେ ବିଜୁ ଶ୍ରମିକ ସାମୁଖ୍ଯ ସମ୍ପାଦକ ସମୀର କୁମାର ଭୂୟାଁ ସହଯୋଗ କରିଥିଲେ ଏବଂ ପରିଶେଷରେ ଜିଲ୍ଲା ଶ୍ରମ ଅଧିକାରୀ ରବିନ୍ଦ୍ର ନାଥ ତ୍ରିପାଠୀ ଧନ୍ୟବାଦ ଅର୍ପଣ କରିଥିଲେ ।
