୪ ଫୁଟିଆ ନାଗ ସାପ ଉଦ୍ଧାର

ବୁଗୁଡ଼ା : ତା ୨୧/୦୨/୨୩ : ବୁଗୁଡ଼ା ନିକଟସ୍ଥ ଲଚ୍ଛିପୁର ଗ୍ରାମର ଶିଶୁଳା ପ୍ରଧାନଙ୍କ ଘର ବାରିପଟୁ ୪ ଫୁଟିଆ ଏକ ନାଗ ସାପକୁ ଉଦ୍ଧାର କରାଯାଇଥିବା ଜଣାଯାଇଛି । ପ୍ରକାଶ ଯେ, ଆଜି ଅପରାହ୍ନରେ ଶିଶୁଳାଙ୍କ ଘର ବାରିପଟେ ଥିବା ଏକ ଝିକର ଗଦାରେ ନାଗ ସାପଟିଏ ଥିବା ଦେଖି ସେ ଭୟଭୀତ ହୋଇ ପଡିଥିଲେ । ସାପଟିକୁ ଘଉଡାଇବା ଉଦ୍ଯମ କଲେ କାଳେ ତାହା ଘର ଭିତରକୁ ପଶି ଆସିବ, ସେନେଇ ଆଶଙ୍କା କରି କିଂକର୍ତ୍ତବ୍ଯମୁଢ ଅବସ୍ଥାରେ ସ୍ନେକ୍ କ୍ଯାଚର୍ ହରିଶ୍ ପାଢୀଙ୍କୁ ଖବର ଦେଇଥିଲେ । ହରିଶ୍ ଘଟଣା ସ୍ଥଳରେ ପହଞ୍ଚି କୌଶଳରେ ସାପଟିକୁ ଉଦ୍ଧାର କରି ନିକଟସ୍ଥ ଜଙ୍ଗଲରେ ଛାଡ଼ି ଦେଇଥିଲେ ।