ସରସ୍ଵତୀ ଶିଶୁ ବିଦ୍ୟା ମନ୍ଦିରର ବାର୍ଷିକ ଉତ୍ସବ….

ବୁଗୁଡ଼ା : ସ୍ଥାନୀୟ ସରସ୍ବତୀ ଶିଶୁ ବିଦ୍ୟା ମନ୍ଦିରର ବାର୍ଷିକୋତ୍ସବ ସ୍ବପରିସରରେ ଅନୁଷ୍ଠିତ ହୋଇଯାଇଛି । ପରିଚାଳନା ସମିତି ସଭାପତି ବ୍ରଜ କିଶୋର ପାଢ଼ୀଙ୍କ ପୌରହିତ୍ଯରେ ଅନୁଷ୍ଠିତ ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ପୋଲସରା ବିଧାୟକ ଶ୍ରୀକାନ୍ତ ସାହୁ , ମୁଖ୍ୟ ବକ୍ତା ଭାବେ ଘୁମୁସର ଜିଲ୍ଲା ଆରଏସ୍ଏସ୍ ସହ ସଂଘ ଚାଳକ ବିଶ୍ବନାଥ ସେଠୀ , ସମ୍ମାନିତ ଅତିଥି ଭାବେ ଏନ୍ଏସି ଅଧ୍ଯକ୍ଷ ଚିତ୍ରସେନ ପ୍ରଧାନ ଓ ଉପାଧ୍ୟକ୍ଷା ଗିତାଞ୍ଜଳୀ ପାଢୀ , ବ୍ଲକ ଅଧ୍ୟକ୍ଷା କେ.ପ୍ରିୟଦର୍ଶିନୀ ଆଚାରୀ ପ୍ରମୁଖ ଯୋଗ ଦେଇ ଛାତ୍ରଛାତ୍ରୀଙ୍କୁ ମାର୍ଗ ଦର୍ଶନ କରିଥିଲେ । ସମ୍ପାଦକ ରମେଶ ଚନ୍ଦ୍ର ଆଲଟିଆ ସ୍ବାଗତ ଭାଷଣ ଏବଂ ଉପସଭାପତି ଗୌରୀଶଙ୍କର ମିଶ୍ର ଅତିଥି ପରିଚୟ ପ୍ରଦାନ କରିଥିବା ବେଳେ ପ୍ରଧାନାଚାର୍ଯ୍ୟ ଉତ୍ତମ କୁମାର ମହାରଣା ବାର୍ଷିକ ବିବରଣୀ ପଠନ ଏବଂ ଛାତ୍ର ମାନସ ରଞ୍ଜନ ହୋତା ବ୍ଯକ୍ତିଗତ ସଙ୍ଗୀତ ଗାନ କରିଥିଲେ । ଏ ଅବସରରେ ତୃତୀୟ ଓ ପଞ୍ଚମ ଶ୍ରେଣୀ ସରକାରୀ ବୃତ୍ତି ପରୀକ୍ଷା-୨୦୨୩ର କୃତି ଛାତ୍ରୀ ଇତିଶ୍ରୀ ଦାଶ ଓ ସସ୍କୃତି ମହାପାତ୍ର ଏବଂ କ୍ରୀଡା ଚମ୍ପିଆନ୍ ରୁଦ୍ର ପ୍ରସାଦ ନନ୍ଦ , ବିଦ୍ଯାଙ୍ଗିନୀ ବେବର୍ତ୍ତା , ରୋହନ୍ କୁମାର ପାତ୍ର , ଗୀତାଞ୍ଜଳି ସାହୁ , ଶୁଭମ୍ ପ୍ରଧାନଙ୍କ ସମେତ ପୂର୍ବରୁ ଆୟୋଜିତ ବିଭିନ୍ନ ପ୍ରତିଯୋଗିତାର କୃତି ପ୍ରତିଯୋଗୀଙ୍କୁ ପୁରସ୍କୃତ କରାଯାଇଥିଲା । ଏହା ପରେ ଛାତ୍ରଛାତ୍ରୀଙ୍କ ଦ୍ଵାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା ବେଳେ ଉତ୍ସବ ପରିଚାଳନାରେ ଆଚାର୍ଯ୍ୟ ପ୍ରତିନିଧି ରବିନ୍ଦ୍ର କୁମାର ଦାଶ ଓ ଗୁରୁମା ହରପ୍ରିୟା ମିଶ୍ରଙ୍କ ସମେତ ଅନ୍ୟାନ୍ୟ ସେବାବ୍ରତୀମାନେ ସକ୍ରିୟ ସହଯୋଗ କରିଥିଲେ । ପରିଶେଷରେ କୋଷାଧକ୍ଷ ରଜତ କୁମାର ପୃଷ୍ଟି ଧନ୍ୟବାଦ ଅର୍ପଣ କରିଥିଲେ ।