ଭାରସାମ୍ଯ ହରାଇ ଓଲଟିଲା ଅଟୋ , ଜଣେ ଗୁରୁତର…

ବୁଗୁଡା : ତା ୨୦/୦୩/୨୪ : ବୁଗୁଡା ଥାନା ଅନ୍ତର୍ଗତ ଗୋଲିଆ ଗ୍ରାମ ନିକଟ ରାସ୍ତାରେ ଆଜି ରାତି ସାଢେ ଆଠଟା ବେଳେ ଏକ ଅଟୋ(ନଂ-ଓଡି-୦୨ଓ୍ବାଇ ୨୪୮୧) ଭାରସାମ୍ଯ ହରାଇ ଓଲଟି ପଡିବାରେ ଜଣେ ଗୁରୁତର ହୋଇଥିବା ଜଣାଯାଇଛି । ଗୁରୁତର ଜଣକ ହେଲେ ପୋଲସରା ଥାନା ଅନ୍ତର୍ଗତ ପାତାଳସିଙ୍ଗି ଗ୍ରାମର ବସନ୍ତ କୁମାର ନାୟକ । ପ୍ରକାଶ ଯେ , ବସନ୍ତ ତାଙ୍କର ତିନି ଜଣ ସମ୍ପର୍କୀୟଙ୍କ ସହ ମିଶି ଜଗନ୍ନାଥ ପ୍ରସାଦ ଥାନା ଅନ୍ତର୍ଗତ ସିଙ୍ଗିପୁର ଗ୍ରାମରୁ ଭୋଜିକାର୍ଯ୍ଯରେ ଯୋଗ ଦେଇ ଅଟୋରେ ଫେରୁଥିବା ବେଳେ ଗୋଲିଆ ଗାଁ ନିକଟ ରାସ୍ତାରେ ଭାରସାମ୍ଯ ହରାଇ ଓଲଟି ପଡିଥିଲା । ଦୁର୍ଘଟଣାରେ ଆହାତ ସମସ୍ତଙ୍କୁ ସେଠାରୁ ଉଦ୍ଧାର କରାଯାଇ ୧୦୮ ଆମ୍ବୁଲାନ୍ସ ଯୋଗେ ବୁଗୁଡା ମେଡିକାଲକୁ ଅଣାଯାଇଥିଲା । ଦୁର୍ଘଟଣାରେ ବସନ୍ତଙ୍କ ମୁଣ୍ଡରେ ଗଭୀର ଆଘାତ ଲାଗି ଅବସ୍ଥା ଗୁରୁତର ଥିବାବେଳେ ଅନ୍ୟମାନଙ୍କୁ ସାମାନ୍ୟ ଆଘାତ ଲାଗିଥିଲା । ଖବର ପାଇ ମେଡିକାଲର ପୋଲିସ ପହଞ୍ଚି ଘଟଣାର ତଦନ୍ତ କରୁଥିବା ଜଣାଯାଇଛି ।