ଶ୍ରୀରାମଚରିତ ମାନସ ନବାହ୍ନ ପାରାୟଣ ଓ ପ୍ରବଚନ ମହାଯଜ୍ଞ ଉଦଯାପିତ..
ବୁଗୁଡା :ସ୍ଥାନୀୟ ତଳ ଓଡ଼ିଆ ସାହିରେ ଗତ ୧୧ ତାରିଖରୁ ଆରମ୍ଭ ହୋଇଥିବା ଶ୍ରୀରାମଚରିତ ମାନସ ନବାହ୍ନ ପାରାୟଣ ଓ ପ୍ରବଚନ ମହାଯଜ୍ଞ ଆଜି ଉଦଯାପିତ ହୋଇଯାଇଛି । କିଛି ବର୍ଷର ବ୍ଯବଧାନରେ ତଳ ଓଡ଼ିଆ ସାହି ବାସିନ୍ଦାଙ୍କ ପକ୍ଷରୁ ଦ୍ବିତୀୟ ଥର ପାଇଁ ଆୟୋଜିତ ଏଭଳି ନବଦିବସୀୟ ଉତ୍ସବ ଅବସରରେ ପ୍ରଥମ ଦିନ ଶୁଭାଧିବାସ ଏବଂ ତାହାପର ଦିନଠାରୁ ପ୍ରତ୍ଯହ ସକାଳୁ ଅପରାହ୍ନ ପର୍ଯ୍ୟନ୍ତ ଶ୍ରୀରାମଚରିତ ମାନସ ପାରାୟଣ ଓ ହୋମ , ସନ୍ଧ୍ୟାରେ ଆଳତି ଦର୍ଶନ ପରେ ଭଜନ ସମାରୋହ ସାଙ୍ଗକୁ ରାତ୍ରରେ ପ୍ରବଚନ କାର୍ଯ୍ଯକ୍ରମ ଅନୁଷ୍ଠିତ ହେଉଥିଲା । ପ୍ରବଚିକା କମଳ କୁମାରୀ ପାଣିଗ୍ରାହୀଙ୍କ ପ୍ରବଚନ କାଳରେ ଶହ ଶହ ଶ୍ରଦ୍ଧାଳୁ ଉପସ୍ଥିତ ରହି ଶ୍ରୀରାମ ରସାମୃତ ଗ୍ରହଣ ପୂର୍ବକ ବିଭୁକୃପା ଲାଭପ୍ରାପ୍ତିର ସୁଯୋଗ ପାଉଥିଲେ । ପୁରୋହିତ ଦଣ୍ଡପାଣି ଦାଶ ଓ ମନୋଜ କୁମାର ଦାଶ ଦୈନିକ ହୋମକାର୍ଯ୍ଯ ସମ୍ପାଦନ କରିଥିବା ବେଳେ କାର୍ଯ୍ୟକ୍ରମ ପରିଚାଳନାରେ ସାହି ବାସିନ୍ଦାଙ୍କ ସକ୍ରିୟ ସହଯୋଗ ଦେଖିବାକୁ ମିଳିଥିଲା ।
