ସାହିତ୍ୟ ଆଲୋଚନା ଚକ୍ର ଓ କବି ଗଙ୍ଗାଧର ମେହରଙ୍କ ଜୟନ୍ତୀ ପାଳିତ
ବୁଗୁଡ଼ା :-ତା ୧୯/୦୮/୨୪ : ନିକଟସ୍ଥ ବାଲିପଦର ଫ୍ରେଣ୍ଡସ୍ କ୍ଳବ ସଭା ଗୃହରେ ଆଜି ଓଡ଼ିଆ ଭାଷା, ସାହିତ୍ୟ, କଳା ଓ ସଂସ୍କୃତି ଗବେଷଣା ପ୍ରତିଷ୍ଠାନ “ଘୁମୁସର ର ସ୍ବର” ପକ୍ଷରୁ ୧୪୦ତମ ପୂର୍ଣ୍ଣିମା ସାହିତ୍ୟ ଆଲୋଚନା ଚକ୍ର ଅନୁଷ୍ଠିତ ହୋଇଯାଇଛି । ପ୍ରତିଷ୍ଠାନର ସଭାପତି ପ୍ରକାଶ ଚନ୍ଦ୍ର ପାତ୍ରଙ୍କ ପୌରହିତ୍ଯରେ ଅନୁଷ୍ଠିତ ଉକ୍ତ କାର୍ଯ୍ୟକ୍ରମରେ ଅତିଥି ଭାବେ ଜଗନ୍ନାଥ ସଂସ୍କୃତି ବିଶାରଦ ଲିଙ୍ଗରାଜ ଦାଶ , ଉତ୍କଳ କଳା ପରିଷଦର ସଭାପତି ଜି.ରାଜେଶ୍ବର ପାତ୍ର, ଫ୍ରେଣ୍ଡସ୍ କ୍ଳବ ସଭାପତି ଦେବନାଥ ରଣା, ସମାଜସେବୀ କୈଳାସ ଚନ୍ଦ୍ର ପ୍ରଧାନ, ବାଲିପଦର ହାଇସ୍କୁଲର ପ୍ରଧାନ ଶିକ୍ଷକ ଇ.ନୀଳାଚଳ ପାତ୍ର, କବି ପଦ୍ମଲାଭ ଗୌଡ ଯୋଗଦେଇ ସ୍ବଭାବ କବି ଗଙ୍ଗାଧର ମେହରଙ୍କ ସାହିତ୍ୟ ସମ୍ପର୍କରେ ଆଲୋଚନା ସାଙ୍ଗକୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ଅନ୍ୟମାନଙ୍କ ମଧ୍ଯରେ ରାଜେନ୍ଦ୍ର ମହାରଣା, ଧ୍ରୁବ ପାଣିଗ୍ରାହୀ, ଡି.ଗୋପାଳ କୃଷ୍ଣ ଆଚାରୀ,ସନ୍ତୋଷ କୁମାର ସେଠୀ, କେ.ରାଘବ ପାତ୍ର, ନିରଞ୍ଜନ ପାତ୍ର, ମାଧବ ଜେନା ପ୍ରମୁଖ ଯୋଗଦେଇ ରକ୍ଷା ବନ୍ଧନର ତତ୍ତ୍ବ ସମ୍ବନ୍ଧରେ ଆଲୋକପାତ କରିଥିଲେ। କଣ୍ଠଶିଳ୍ପୀ ଦୂର୍ଗା ପ୍ରସାଦ ଦାସ ଭଞ୍ଜ ସଙ୍ଗୀତ ଗାନ କରିଥିବା ବେଳେ ଖଲି ପରିଡ଼ା ଧନ୍ଯବାଦ ଅର୍ପଣ କରିଥିଲେ।
