ପୁରୀଜିଲ୍ଲା ପ୍ରାଥମିକ ଶିକ୍ଷକ ୟୁନିଅନର ସାମ୍ବିଧାନିକ ସମ୍ମିଳନୀ ଅନୁଷ୍ଠିତ

ପୁରୀଜିଲ୍ଲା ପ୍ରାଥମିକ ଶିକ୍ଷକ ୟୁନିଅନର ସାମ୍ବିଧାନିକ ସମ୍ମିଳନୀ କୁଳମଣି ଭବନ ପରିସରରେ ମହାଡମ୍ବରରେ ଅନୁଷ୍ଠିତ ହୋଇଥିଲା l ସମ୍ମିଳନୀ ରେ ପ୍ରାରମ୍ଭରେ ସଭାପତି ସୋମନାଥ ନନ୍ଦ ସମ୍ମିଳନୀର ଆଭିମୁଖ୍ୟ ସହିତ ଶିକ୍ଷକ ମାନଙ୍କର ବିଭିନ୍ନ ଦାବୀ ସମ୍ପର୍କରେ ଆଲୋଚନା କରିଥିଲେ l ସମ୍ପାଦକ ରାମନାରାୟଣ ମିଶ୍ର ଦୀର୍ଘ ତିନି ବର୍ଷର ଅଭିଜ୍ଞତାକୁ ଆଧାର କରି ଶିକ୍ଷକ ମାନଙ୍କ ଦାବିକୁ ସମର୍ଥନ ଜଣାଇ ତାହା ସରକାରଙ୍କର ଦୃଷ୍ଟିଗୋଚର କୁ ଅଣାଯିବା ସମ୍ପର୍କରେ ଆଲୋକପାତ କରିଥିଲେ l ସମ୍ମିଳନୀ ର ଦ୍ଵିତୀୟାର୍ଦ୍ଧ ରେ ଆଗାମୀ ତିନିବର୍ଷ ନିମନ୍ତେ କର୍ମକର୍ତ୍ତା ଚୟନ କରାଯାଇଥିଲା l ସଭାପତି ଭାବେ ପୁରୁଷୋତ୍ତମ ପ୍ରଧାନ, ସାଧାରଣ ସମ୍ପାଦକ ଶିବଦତ୍ତ ନାୟକ, ଉପସଭାପତି ସୁରେଖା ଦେଇ ଓ ସୂର୍ଯ୍ୟନାରାୟଣ ସେଠୀ, ସଂଗଠନ ସମ୍ପାଦକ ଜିତେନ୍ଦ୍ର କୁମାର ନାୟକ, ଯୁଗ୍ମ ସମ୍ପାଦକ ସାବିତ୍ରୀ ସାହୁ, ପ୍ରହଲ୍ଲାଦ ମାନସିଂ, ଅଭିରାମ କେଇ, କୋଷାଧକ୍ଷ ସୁରେନ୍ଦ୍ର ନାୟକ ଓ ସଂଯୋଜକ ଭାବେ ମିହିର ରଞ୍ଜନ ମାନସିଂ ନିର୍ବାଚିତ ହୋଇଥିଲେ l ନବନିର୍ବାଚିତ କର୍ମକର୍ତ୍ତା ମାନଙ୍କୁ ପୁରୀଜିଲ୍ଲା ଓଷ୍ଟା ପକ୍ଷରୁ ସ୍ୱାଗତ କରାଯାଇଥିଲା l ସଭାପତି ବିଜୟ କୁମାର ବରାଳ ସମ୍ପାଦକ ବିଭୁଦତ୍ତ ନାୟକ ସମ୍ମାନିତ କରିଥିଲେ l

ପୁରୀରୁ ରମେଶ ସାହୁଙ୍କ ରିପୋର୍ଟ