ରାମଲାଲାଙ୍କ ପ୍ରାଣ ପ୍ରତିଷ୍ଠା ଉପଲକ୍ଷେ ନିମନ୍ତ୍ରଣପତ୍ର ବଣ୍ଟନ….

ବୁଗୁଡ଼ା :  ଦୀର୍ଘ ବର୍ଷର ଅନ୍ତ ଘଟାଇ ଆସନ୍ତା ୨୨ ତାରିଖ ଜ୍ଯେଷ୍ଠ ଶୁକ୍ଲ ପକ୍ଷ ଦ୍ବାଦଶୀ ତିଥିରେ ପ୍ରଭୁ ଶ୍ରୀରାମଙ୍କ ଜନ୍ମଭୂମି ଅଯୋଧ୍ୟାରେ ନିର୍ମିତ ମନ୍ଦିରର ଗର୍ଭ ଗୃହରେ ରାମଲାଲାଙ୍କ ନବ ବିଗ୍ରହକୁ ବିରାଜିତ କରାଯାଇ ପ୍ରାଣ ପ୍ରତିଷ୍ଠା କରାଯିବାର କାର୍ଯ୍ୟକ୍ରମ ରହିଛି । ଏଥି ନିମନ୍ତେ ଅଯୋଧ୍ୟାରୁ ଆସିଥିବା ଅକ୍ଷତ ଚାଉଳ ଓ ନିମନ୍ତ୍ରଣ ପତ୍ରକୁ ବୁଗୁଡ଼ା ଅଞ୍ଚଳର ରାମଭକ୍ତଙ୍କ ନିକଟରେ ପହଞ୍ଚାଇବା ପାଇଁ ରାଷ୍ଟ୍ରୀୟ ସ୍ଵୟଂ ସେବକ ସଂଘ ଓ ବିଶ୍ବ ହିନ୍ଦୁ ପରିଷଦ ସଦସ୍ୟଗଣ ଲାଗି ପଡ଼ିଛନ୍ତି । ଉକ୍ତ ମଙ୍ଗଳ ମୁହୂର୍ତ୍ତ ପାଳନ ପୂର୍ବକ ନିଜ ପରିବାର ଓ ସମାଜର କଲ୍ଯାଣ ଲାଗି ଦୀପଦାନ , ରାମଚରିତ ମାନସ ପାଠ , ହନୁମାନ ଚାଳିଶା ସୁନ୍ଦରକାଣ୍ଡ ପାଠ କରି ପ୍ରଭୁକୃପା ଲାଭ କରି ପରିବେଶକୁ ରାମମୟ କରିବା ନିମନ୍ତେ ସଚେତନ କରିବା ସହ ଅକ୍ଷତ ଚାଉଳ ଓ ନିମନ୍ତ୍ରଣ ପତ୍ର ବଣ୍ଟନ କରିଛନ୍ତି ।