ପାଗଳା କୁକୁର କାମୁଡ଼ାରେ ୪ ଆହତ

ବୁଗୁଡ଼ା : ତା ୧୬/୦୪/୨୪ : ବୁଗୁଡ଼ା ବ୍ଲକ ଅନ୍ତରପଡା ଅଞ୍ଚଳରେ ପାଗଳା କୁକୁର ଆତଙ୍କ ଖେଳିଯାଇଥିବା ବେଳେ ବିଭିନ୍ନ ଗ୍ରାମରେ ପାଗଳା କୁକୁର କାମୁଡ଼ାରେ ଚାରି ଜଣ ଆହତ ହୋଇ ମେଡିକାଲରେ ଭର୍ତ୍ତି ହୋଇଥିବା ଜଣାଯାଇଛି । ଆହତମାନେ ହେଲେ ଅନ୍ତରପଡା ଗ୍ରାମର ମହରଗ ଜେନା ଓ ଜିତେନ୍ଦ୍ର ଗୌଡ , ବକ୍ସିପଲ୍ଲୀ ଗାଁର କାର୍ତ୍ତିକ ପାତ୍ର ଓ କଞ୍ଚୁରୁ ଗ୍ରାମର ମହେଶ୍ବର ନାୟକ । ପ୍ରକାଶ ଯେ , ସନ୍ଧ୍ୟାରେ ମହରଗ ଗାଧୋଇବାକୁ ପୋଖରୀକୁ ଯାଉଥିବା ବେଳେ ପାଗଳା କୁକୁରଟି ହଟାତ୍ ତାଙ୍କର ଡାହାଣ ଗୋଡ ପେଣ୍ଡାକୁ କାମୁଡ଼ି ଧରିଥିଲା । ସେ କୁକୁରଟିର ମୁଣ୍ଡକୁ ଟାଣିବା ବେଳେ ପୁଣି ତାଙ୍କର ଡାହାଣ ହାତକୁ କାମୁଡି ଥିଲା । ସେହିପରି କାର୍ତ୍ତିକ ଓ ଜିତେନ୍ଦ୍ର ଘର ଆଗରେ ଠିଆ ହୋଇଥିବା ବେଳେ କୁକୁର କାମୁଡ଼ିଥିବା ବେଳେ ମହେଶ୍ବର ଘରକୁ ଫେରୁଥିବା ସମୟରେ ରାସ୍ତାରେ ତାଙ୍କୁ କାମୁଡି ଥିଲା । ଫଳରେ ଅନ୍ତରପଡା ଗାଁ ଆଖପାଖ ଅଞ୍ଚଳରେ ପାଗଳା କୁକୁର ଆତଙ୍କ ଖେଳିଯାଇଥିବା ଜଣାଯାଇଛି ।