ଯାଯାବର ଙ୍କ ମୃତଦେହ ଉଦ୍ଧାର
ଗୁଣୁପୁର,- ସ୍ଥାନୀୟ ପୁରୁଣା ଗୁଣୁପୁର ସାନ ଗୁଣ୍ଡିଚା ମନ୍ଦିର ନିକଟରୁ ଜଣେ ଯାଯାବର ବ୍ୟକ୍ତି ଙ୍କ ମୃତଦେହ ଉଦ୍ଧାର କରାଯାଇଛି । ସ୍ଥାନୀୟ ଲୋକଙ୍କ କହିବା ଅନୁଯାୟୀ ଉକ୍ତ ବ୍ୟକ୍ତି ଜଣକ ଦୀର୍ଘ ୫ ବର୍ଷ ଧରି ସାନ ଗୁଣ୍ଡିଚା ମନ୍ଦିର ନିକଟରେ ରହି ଆସୁଥିଲେ । ଆଜି ସେ ସେଠାରେ ପଡିଥିବା ବେଳେ ସ୍ଥାନୀୟ ଲୋକେ ପୁଲିସ କୁ ଖବର ଦେଇଥିଲେ । ପୁଲିସ ଉଦ୍ଧାର କରି ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଇ ଶବ ବ୍ୟବଚ୍ଛେଦ କରାଇଥିବା ଜଣାପଡିଛି । ବ୍ୟକ୍ତି ଜଣକ ପରିଚୟ ମିଳିପାରି ନାହିଁ । ପୁଲିସ ମାମଲା ରୁଜୁ କରି ତଦନ୍ତ ଜାରି ରଖିଛି ।(ସୁରେନ୍ଦ୍ର ମହାନ୍ତି )
