ସାର୍ବଜନୀନ ଦୁର୍ଗାପୂଜା ନିମନ୍ତେ ରାବଣ ବରଣ କାର୍ଯ୍ୟକ୍ରମ ଅନୁଷ୍ଠିତ

ପଦମପୁର : ୧୫/୦୯(ଜୟନ୍ତ କୁମାର ସେଠ)ପଦ୍ମପୁର ସ୍ଥାନୀୟ ରାଜବାଟୀ ପୂଜା ମଣ୍ଡପ ଠାରେ ଚଳିତ ବର୍ଷ ସାର୍ବଜନୀନ ଦୁର୍ଗାପୂଜା ନିମନ୍ତେ ହେବାକୁ ଥିବା ରାମଲୀଳା ନାଟ୍ୟ ଧାରା ପାଇଁ ଆଜି ରାବଣ ବରଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ନୃସିଂହ କଳା ପରିଷଦ ବରପଦର୍ ର ମୁଖ୍ୟ ଶ୍ରୀ ନିର୍ମଳ ମେହେର ଯିଏକି ବିଭିନ୍ନ ଯାତ୍ରାରେ ଚମତ୍କାର ଅଭିନୟ ପ୍ରଦର୍ଶନ କରିଥାନ୍ତି ତାଙ୍କୁ ଶ୍ରୀ ପ୍ରତାପ କେଶରୀ ସିଂ ବରିହା ଓ ଦୁର୍ଗାପୂଜା କମିଟିର ସଭାପତି ଶ୍ରୀ ପ୍ରତାପ ମିଶ୍ର ଶ୍ରୀଫଳ ଓ ଉତ୍ତରୀୟ ପ୍ରଦାନ ପୂର୍ବକ ସ୍ୱାଗତ କରିବା ସହ ବରଣ କରିଥଲେ। ଏହି କାର୍ଯ୍ୟକ୍ରମରେ ପୂଜା କମିଟିର ସଦସ୍ୟ ଶ୍ରୀ ସନ୍ତୋଷ ମହାନ୍ତି, ଶ୍ରୀ ଶେଷଦେବ ମେହେର, ଶ୍ରୀ ବିଜୟ ବହିଦାର,ଶ୍ରୀ ସୌମ୍ୟଜିତ୍ ପାଢ଼ୀ , ଶ୍ରୀ ନବ କିଶୋର ବରିହା,ଶ୍ରୀ ଅଚୁତ୍ୟା ନନ୍ଦ ସେଠ୍ ,ଶ୍ରୀ ପୂର୍ଣ୍ଣଚନ୍ଦ୍ର ପାଣିଗ୍ରାହୀ, ଶ୍ରୀ ପ୍ରମୋଦ ନାଥ ଓ ଶ୍ରୀ ସଞ୍ଜୀବ ବହିଦାର ଉପସ୍ଥିତ ଥିଲେ। ରାମଲୀଳା ଓ ରାବଣ ଦରବାର କାର୍ଯ୍ୟକ୍ରମ ଚଳିତ ବର୍ଷ ଦୁର୍ଗାପୂଜାରେ ସପ୍ତମୀ, ଅଷ୍ଟମୀ, ନବମୀ ଓ ଦଶମୀ ଦିନ ଅନୁଷ୍ଠିତ ହେବ।