ବିଜେଡିର ନିର୍ବାଚନୀ ପ୍ରଚାର , ବୁଗୁଡ଼ାରେ ବିଶାଳ ବାଇକ୍ ଶୋଭାଯାତ୍ରା….

ବୁଗୁଡା : ସାଧାରଣ ନିର୍ବାଚନର ପଞ୍ଚମ ପର୍ଯ୍ୟାୟରେ ଆସ୍କା ଲୋକସଭା ଓ ପୋଲସରା ବିଧାନସଭା ପାଇଁ ଆଉ ମାତ୍ର ଚାରି ଦିନ ବାକି ରହିଥିବା ବେଳେ ବିଜେଡି ପକ୍ଷରୁ ଆଜି ଏକ ବିଶାଳ ବାଇକ୍ ଶୋଭାଯାତ୍ରା ମାଧ୍ୟମରେ ପ୍ରଚାର କାର୍ଯ୍ୟକୁ ଜୋରଦାର କରିଛି । ଏନ୍ଏସି ଅଧ୍ଯକ୍ଷ ଚିତ୍ରସେନ ପ୍ରଧାନ ଓ ଉପାଧ୍ୟକ୍ଷା ଗିତାଞ୍ଜଳୀ ପାଢୀଙ୍କ ସମେତ ବହୁ କର୍ମୀ ଓ କର୍ମକର୍ତ୍ତାଙ୍କ ଗହଣରେ ଆସ୍କା ସାଂସଦ ପ୍ରାର୍ଥିନୀ ରଞ୍ଜିତା ସାହୁ ଓ ପୋଲସରା ବିଧାନସଭା ପ୍ରାର୍ଥୀ ଶ୍ରୀକାନ୍ତ ସାହୁ ଏହି ଶୋଭାଯାତ୍ରାରେ ବାହାରି ଏନ୍ଏସିର ବିଭିନ୍ନ ଓ୍ବାର୍ଡକୁ ପରିକ୍ରମା କରିଥିଲେ । ଏ ଅବସରରେ ଶ୍ରୀକାନ୍ତ ଓ ରଞ୍ଜିତା ଉଭୟଙ୍କୁ ବିଭିନ୍ନ ସ୍ଥାନରେ ଭବ୍ଯ ସମ୍ବର୍ଦ୍ଧନା ପ୍ରଦାନ କରାଯାଇଥିଲା ଏବଂ ବିପୁଳ ଭୋଟରେ ବିଜୟୀ କରିବାକୁ ସେ ଦ୍ବୟ ଯୋଡହସ୍ତରେ ଭୋଟରଙ୍କୁ ବିନମ୍ର ନିବେଦନ କରିଥିଲେ । ଉକ୍ତ ଆକର୍ଷଣୀୟ ବାଇକ୍ ଶୋଭାଯାତ୍ରା ଅଂଶ ଗ୍ରହଣ କରିଥିବା କର୍ମୀ ଓ କର୍ମକର୍ତ୍ତା ବହୁତ ଉତ୍ସାହିତ ଥିଲାବେଳେ ଏହି ଶୋଭାଯାତ୍ରା ଭୋଟରଙ୍କୁ ପ୍ରଭାବିତ କରିବ ବୋଲି ଦମ୍ଭୋକ୍ତି ପ୍ରକାଶ କରିଥିଲେ ।