ବି.କରଡ଼ାବାଡ଼ି ସେକ୍ଟର ସ୍ତରୀୟ ପୋଷଣ ପଖଓ୍ବାଡା କାର୍ଯ୍ୟକ୍ରମ….

ବୁଗୁଡା : ତା ୧୬/୦୩/୨୪ : ବୁଗୁଡ଼ା ବ୍ଲକର ବିରଞ୍ଚିପୁର ଅଙ୍ଗନଓ୍ବାଡି କେନ୍ଦ୍ର-୧ ପରିସରରେ ବି.କରଡାବାଡି ସେକ୍ଟର ସ୍ତରୀୟ ପୋଷଣ ପଖଓ୍ବାଡା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ସିଡିପିଓ ବବିତା କୁମାରୀ ପଣ୍ଡାଙ୍କ ପୌରହିତ୍ୟରେ ଅନୁଷ୍ଠିତ ଉକ୍ତ କାର୍ଯ୍ୟକ୍ରମରେ ଅତିଥି ଭାବେ ସରପଞ୍ଚ ମନ୍ଦାକିନୀ ସେଠୀ ଯୋଗ ଦେଇଥିଲେ । ଅଞ୍ଚଳ ପରିଦର୍ଶିକା ଜି.ରଶ୍ମି ଓ ଗୀତା ବଡମୁଣ୍ଡି ଏ ଅବସରରେ ଶିଶୁଙ୍କ ଯତ୍ନ ସାଙ୍ଗକୁ ସେମାନଙ୍କୁ ଉପଯୁକ୍ତ ପୋଷଣ ଯୋଗାଣ ଏବଂ ମାଆମାନେ ଆବଶ୍ୟକୀୟ ପୋଷଣଯୁକ୍ତ ସୁଷମ ଖାଦ୍ୟ ଗ୍ରହଣ ସମ୍ପର୍କରେ ଆଲୋକପାତ କରିଥିଲେ । ଅନ୍ଯପକ୍ଷରେ ସେଠାରେ ବିଭିନ୍ନ ପୋଷଣଯୁକ୍ତ ଖାଦ୍ୟ ସାମଗ୍ରୀର ପ୍ରଦର୍ଶନୀ ଆୟୋଜିତ ହୋଇଥିଲା ବେଳେ ଏକ ସଚେତନତା ଶୋଭାଯାତ୍ରା ମଧ୍ୟ ବାହାର କରାଯାଇଥିଲା । ଏଥିରେ ବି.କରଡ଼ାବାଡ଼ି ସେକ୍ଟର ଅନ୍ତର୍ଗତ ୨୭ଟି ଅଙ୍ଗନଓ୍ବାଡି କେନ୍ଦ୍ରର କର୍ମୀ , କିଶୋରୀ , ଗର୍ଭବତୀ ମହିଳା ଏବଂ ମାଆମାନେ ଉପସ୍ଥିତ ରହିଥିଲେ । ପରିଶେଷରେ ଅଙ୍ଗନୱାଡି କର୍ମୀ ବାସନ୍ତୀ ପ୍ରଧାନ ଧନ୍ୟବାଦ ଅର୍ପଣ କରିଥିଲେ ।